بىلتىر اۋسترالياداعى 23 جاسقا دەيىنگى ۆەلوشاباندوزدار اراسىنداعى الەم چەمپيوناتىندا توپ جارعان ەۆگەني بيىل ازيا بىرىنشىلىگىندە دە الدىنا جان سالمادى. وتانداسىمىز 46 شاقىرىمعا جالعاسقان جارىس جولىن 53 مينۋت 28 سەكۋندتا ءجۇرىپ ءوتىپ, باس جۇلدەنى يەلەندى. كۇمىس جۇلدە جەرلەسىمىزدەن ەكى مينۋتقا قالىپ قويعان تايبەيلىك سەرحيو تۋدانعا بۇيىرسا, قولا مەدال موڭعوليالىق ساينبايارىن دجامبالجامتستىڭ ەنشىسىندە كەتتى.
بۇل – قازاقستان قۇراماسىنىڭ ازيا چەمپيوناتىنداعى ءۇشىنشى التىن مەدالى. بۇعان دەيىن 23 جاسقا دەيىنگى ۆەلوشاباندوزدار اراسىنداعى سايىستا اندرەي رەمحە مارە سىزىعىن ءبىرىنشى بولىپ كەسسە, ونىڭ الدىندا جەرلەستەرىمىز ارالاس كوماندالىق سىندا (ميكس) ۇزدىك شىققان بولاتىن. ايەلدەر اراسىنداعى باسەكەدە ريناتا سۇلتانوۆا قولا جۇلدەگە يە بولعان ەدى.
