«بىرىنشىدەن, بارلىق قاجەتتى تاپسىرما بەرىلسە دە, بىلتىرعى الاپات ورتتەن ءتيىستى قورىتىندى شىعارىلمادى. قاۋىپ-قاتەردىڭ باعالانباعانى قازىردىڭ وزىندە تۇسىنىكتى بولىپ وتىر. بولجام دۇرىس جاسالمادى.
ناتيجەسىندە تابيعات اپاتى ءتيىستى دارەجەدە ءارى دەر كەزىندە اۋىزدىقتالمادى. دەمەك, ءتيىستى الگوريتمدەر جۇمىس ىستەمەيدى. بۇل, ەڭ الدىمەن, تجم-ءنىڭ كەمشىلىگى», دەدى پرەزيدەنت شۇعىل جيىن بارىسىندا.
مەملەكەت باسشىسىنىڭ ايتۋىنشا, تەحنيكاسى, قۇرال-جابدىعى جوق ورمانشىلاردى قاۋىپتى جاعدايدا قالدىرۋعا بولمايدى.
«جالپى, قاۋىپسىزدىك كەڭەسى بەكىتكەن ءىس-ارەكەت الگوريتمى بولۋى كەرەك. ورمان ورتەندى مە, دەمەك ونى دەرەۋ سوندىرۋگە كىرىسۋ كەرەك. بىراق تەحنيكاسى, قۇرال-جابدىعى جوق ورمانشىلاردى قاۋىپتى جاعدايدا قالدىرۋعا بولمايدى. كەم دەگەندە, ءورتتى وقشاۋلاۋ مىندەتى قويىلۋى كەرەك. بىرگە جۇمىس ىستەۋ قاجەت. بۇل – بۇكىلحالىقتىق اپات. رومان ۆاسيلەۆيچ سكليار, اينالىسىڭىز, وسى ماسەلەلەردى باقىلاۋعا الىڭىز», دەپ قوستى قاسىم-جومارت كەمەل ۇلى.
وسى تۇستا ەل پرەزيدەنتى باس پروكۋراتۋراعا قوزعالعان قىلمىستىق ءىس اياسىندا ۋاكىلەتتى ورگاندار مەن لاۋازىمدى ادامداردىڭ ءىس-ارەكەتىنە ناقتى باعا بەرۋدى تاپسىردى.
ء«بىز جاقىندا عانا قوستانايداعى جاعدايدى باستان وتكەردىك, نەگە ساباق المادىق؟ ءورت – ءجيى بولاتىن قۇبىلىس. بۇكىل الەمدە ءورت بولىپ جاتىر. ونىمەن كۇرەسە ءبىلۋ كەرەك. اسىرەسە, ءبىز ورماندار تۋرالى ايتىپ وتىرمىز. جالپى, ءبىز ورماندارىمىزعا دۇرىس قارامايمىز. بىزدە ولاردىڭ كولەمى از. 4 پايىزعا جەتپەيتىن ورمان القابى بار. باس پروكۋراتۋراعا قوزعالعان قىلمىستىق ءىس اياسىندا ۋاكىلەتتى ورگاندار مەن لاۋازىمدى ادامداردىڭ ءىس-ارەكەتىنە ناقتى باعا بەرۋدى تاپسىرامىن», دەپ تۇيىندەدى مەملەكەت باسشىسى.
