وبلىس اكىمى نۇرلان ۇرانحاەۆ بۇگىن ءورت الىپ جاتقان اۋداننان تىكەلەي مالىمدەمە جاسادى.
ء«ورت ءسوندىرۋ شارالارى پودنەبەسنوە, كاشتاك, تاليتسا ۋچاستوكتارىندا جالعاسىپ جاتىر. تابيعي اپاتتى اۋىزدىقتاۋعا الماتى, قىزىلوردا, جەتىسۋ وبلىستارىنان قوسىمشا ءورت ءسوندىرۋ تەحنيكالارى شىقتى. شىعىس وڭىرلىك قولباسشىلىعىنىڭ 200 ادامى مەن 8 تەحنيكاسى دا جىبەرىلدى. جەدەل شتاب جۇمىسى تاۋلىك بويى جالعاسۋدا. بۇگىن تاڭعى ساعات 7-دە اەروۆيزۋالدى بارلاۋ جۇرگىزىلدى», دەدى وبلىس اكىمى.
ال, توتەنشە جاعدايلار مينيسترلىگى ورتكە قارسى قىزمەت كوميتەتىنىڭ توراعاسى, گەنەرال-مايور نۇربولات دەربىسوۆتىڭ ايتۋىنشا, سەمەي ورمانى رەزەرۆاتىنداعى جاعداي تۇراقتالا باستاعان.
ء«ورتتى سوندىرۋگە 8 تىكۇشاق كىرىسىپ جاتىر. ودان دا بولەك بارلىق تەحنيكالار مەن جەكە قۇرام جۇمىلدىرىلۋدا. كۇننىڭ قاتتى ىستىق بولۋى مەن جەلدىڭ كۇشەيۋى دە قيىندىقتار تۋعىزىپ جاتىر. قۇمدى القاپتار مەن كەيبىر جەرلەردەگى ءورتتى سوندىرۋگە قيىندىقتار تۋىنداپ جاتقان جايى بار. دەگەنمەن, وعان قاراماستان ورمانشىلار دا, بارلىق سالانىڭ جۇمىسشىلارى دا قول ۇشىن بەرىپ جاتىر», دەيدى ن. دەربىسوۆ.
ودان بولەك كەشە ءورتتى ءسوندىرۋ جۇمىستارىندا 14 ءورت ءسوندىرۋشىنىڭ ۇشەۋى قازا بولعاندىعى تۋرالى اقپارات تاراعان بولاتىن. ازىرگە باسقالارىنىڭ قاي اۋماقتاردا جوعالىپ كەتكەنى بەلگىسىز, ىزدەستىرىلىپ جاتىر.
