قازاقستاندا 11 مىڭنان استام بالاباقشا بار. ولاردىڭ تەڭ جارتىسى مەملەكەتتىك. وقۋ-اعارتۋ ءمينيسترى عاني بەيسەمباەۆ بالاباقشالاردىڭ قازاق تىلىنە كوشۋ جوسپارى سۇرانىس پەن قاجەتتىلىككە بايلانىستى ەكەنىن اتاپ ءوتتى.
«قازاق تىلىندەگى بالاباقشالارعا قاجەتتىلىك تە, سۇرانىس تا بار. جالپى, مەملەكەتتىك بالاباقشالاردىڭ بارلىعىن مەملەكەتتىك تىلدە جۇرگىزۋ ماسەلەسىن تولىققاندى ىسكە اسىرۋعا بولادى دەپ ەسەپتەيمىز», دەدى مينيستر.
عاني بەيسەمباەۆ باق وكىلدەرىنىڭ بۇل جوسپاردىڭ ناقتى قاشان ورىندالاتىنىنا قاتىستى سۇراعىنا جاۋاپ بەرىپ, جۇمىستىڭ پىسىقتالىپ جاتقانىن ايتتى.
«ياعني قانشا بالاباقشا قاي تىلدە ءدارىس بەرەتىنى جانە وسى تاپسىرمانى قالاي ورىنداۋعا بولاتىنى تۋراسىندا جۇمىستار پىسىقتالىپ جاتىر. مەملەكەتتىك تىلدە ءدارىس بەرەتىن بالاباقشانى ۇيىمداستىرۋ ەشقانداي قيىندىق تۋدىرمايدى دەپ ويلايمىن», دەدى وقۋ-اعارتۋ ءمينيسترى.
