ناريمان بيعالي ءۇش جوعارى ءبىلىم العان. ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىن «تاريح», باتىس قازاقستان ينجەنەرلىك-گۋمانيتارلىق ۋنيۆەرسيتەتىن «قۇقىق», قازاقستاننىڭ يننوۆاتسيالىق جانە تەلەكوممۋنيكاتسيالىق جۇيەلەر ۋنيۆەرسيتەتىن «قۇرىلىس ماتەريالدارىن, بۇيىمدارىن جانە قۇراستىرىلىمدارىن ءوندىرۋ» ماماندىعىمەن بىتىرگەن.
ماڭعىستاۋ, اتىراۋ وبلىستارىندا جۇمىس ىستەگەن. 2011 – 2014 جىلدار ارالىعىندا اتىراۋ جانە ماڭعىستاۋ وبلىسى بويىنشا كاسپي وڭىرارالىق كولىك ينسپەكتسياسىنىڭ اۆتوموبيل كولىگى ءبولىمىنىڭ باس مامانى, 2014 – 2018 جىلدارى «نۋركاپسترويگاز» جشس ديرەكتورى بولعان.
ال, 2018 – 2020 جىلدار ارالىعىندا اتىراۋ وبلىستىق قۇرىلىس باسقارماسىنىڭ باس مامانى, 2020 – 2021 جىلدارى يندەر اۋداندىق قۇرىلىس ءبولىمىنىڭ باسشىسى, 2021 – 2022 جىلدارى ماحامبەت اۋداندىق تۇرعىن ءۇي-كوممۋنالدىق شارۋاشىلىعى جانە جولاۋشىلار كولىگى, اۆتوموبيل جولدارى, قۇرىلىس جانە تۇرعىن ءۇي ينسپەكتسياسى ءبولىمىنىڭ باسشىسى لاۋازىمىندا تاجىريبە جيناعان.
وسى تاعايىنداۋعا دەيىن ماحامبەت اۋدانى اكىمىنىڭ ورىنباسارى قىزمەتىن اتقارعان.
