ءبىلىم بەرۋ سالاسىنداعى ساپانى قامتاماسىز ەتۋ كوميتەتىنىڭ توراعاسى ەرنۇر داۋەنوۆتىڭ ايتۋىنشا, مونيتورينگ تەك ءبىلىم باسقارمالارىندا عانا جۇرگىزىلەدى. زەردەلەۋ توبى بالاباقشا, مەكتەپ, كوللەدج جانە باسقا دا ءبىلىم بەرۋ ۇيىمدارىنا بارمايدى.
ء«بىلىم باسقارمالارىنا مونيتورينگ جۇرگىزۋگە مۇعالىمدەر نەمەسە ءبىلىم بەرۋ ۇيىمدارىنىڭ ديرەكتورلارى تارتىلمايدى. بارلىق ءبىلىم بەرۋ ۇيىمدارىندا جازعى دەمالىس باستالدى, مۇعالىمدەر بەكىتىلگەن كەستەگە ساي دەمالىسقا شىعا الادى. قورىتىندى ەمتيحانداردان كەيىن مۇعالىمدەردىڭ ەڭبەك دەمالىسىنا ەشتەڭە كەدەرگى بولماۋى كەرەك. ءبىلىم باسقارمالارىنىڭ قىزمەتىن زەردەلەۋ ءۇشىن بارلىق باعىتتار بويىنشا ارنايى كريتەريلەر ازىرلەندى», دەيدى ەرنۇر داۋەنوۆ.
ايتا كەتەيىك, مونيتورينگ بارىسىندا مينيسترلىك كوميتەتتەرى مەن دەپارتامەنتتەرىنىڭ ماماندارى جانە ونىڭ ۆەدومستۆولىق باعىنىستى ۇيىمدارى وڭىرلەرگە ادىستەمەلىك كومەك كورسەتەدى.
