فوتو: شىمكەنت قالاسى تجد ءباسپاسوز قىزمەتى
شىمكەنت قالاسىنىڭ توتەنشە جاعدايلار دەپارتامەنتىنىڭ اقپاراتىنا سايكەس, وقيعا بادام وزەنىندە بولعان.
مەكتەپ وقۋشىلارى ەرداۋلەت پەن رامازان سۋعا تۇسۋگە كەلىپ, سۋ باتىپ بارا جاتقان بالانى كورەدى. كوپ ويلانباستان كومەككە ۇمتىلعان رامازان امانگەلديەۆ پەن ەرداۋلەت شىڭعىسحان كىشكەنتاي بالانى جاعاعا شىعارىپ, العاشقى مەديتسينالىق كومەك كورسەتكەن.
«ۇزدىكسىز جاسالعان جاساندى تىنىس ارەكەتتەرى ءوز ناتيجەسىن بەردى. تۇنشىعىپ قالعان بالانىڭ وكپەسىندەگى سۋى كەتىپ, بىرتە-بىرتە تىنىس الا باستاعان», دەلىنگەن دەپارتامەنت تاراتقان حابارلامادا.
ايتا كەتسەك, قاھارمان جىگىتتەر №128 قالالىق مەكتەپتە وقيدى. ەرداۋلەت شىڭعىسحان 8 سىنىپ, ال ونىڭ دوسى رامازان امانگەلديەۆ 9 سىنىپ وقۋشىسى.
