وتاندىق تەلەارنانىڭ حابارلاۋىنشا, اباي وبلىسىندا ورماندى قالىپقا كەلتىرۋ ءۇشىن 5100 گەكتار جەرگە 30 ميلليونعا جۋىق اعاش وتىرعىزىلادى. مۇنداي جۇمىس وتكەن اپتادا جانىپ كەتكەن قاراعايلى ورمان اۋماعىندا دا جۇرگىزىلەدى. بۇل تۋرالى وڭىرگە بارعان ەكولوگيا جانە تابيعي رەسۋرستار ءمينيسترى ايتتى. ءورتتىڭ سالدارىنان 3,5 مىڭ گەكتارداي اۋماقتى قىزىل جالىن شارپىعان. ءورت قازىر تولىق ءسوندىرىلدى. جەرگىلىكتى دەڭگەيدە جاريالانعان توتەنشە جاعداي رەجيمى 1 اپتا بويى ساقتالادى.
ء«تيىستى قارجى بولىنگەن بولاتىن. ءبىز ەندى ءورت سوندىرۋگە قاجەت قوسىمشا تەحنيكا مەن قۇرالدار ساتىپ الامىز. وعان قوسا ءورتتىڭ وشاعىن ەرتە انىقتايتىن جۇيەلەر ورناتىلادى. ول ءۇشىن دە كەرەك قاراجات بولىنگەن», دەدى ەكولوگيا جانە تابيعي رەسۋرستار ءمينيسترى زۇلفيا سۇلەيمەنوۆا.
