«نەگىزىنەن بۇل كارتا ويىنى, سۇيەك لاقتىرۋ جانە ونلاين رۋلەتكا. بارلىق جەردە پرينتسيپ بىردەي. ءباس تىگۋگە شاقىرادى. ونىڭ تورتتەن ءبىرى ۇيىمداستىرۋشىدا قالادى, قالعانىن جەڭىمپاز الادى. ءباس تىگۋلەردى قابىلداۋ جانە ۇتىستاردى بەرۋ بانكتىك ونلاين اۋدارىمدار ارقىلى جۇزەگە اسىرىلادى. جەلىلىك تالداۋ ناتيجەسىندە ءبىز ونلاين ويىندى تاراتاتىن 100-دەن استام اككاۋنتتى انىقتادىق», دەلىنگەن قما حابارلاماسىندا.
سونداي-اق قما قىزمەتكەرلەرى ۇيىمداستىرۋشىلار مەن قاتىسۋشىلاردىڭ ارەكەتتەرى زاڭسىز ەكەندىگىن ەسكە سالدى.
«قر قق 307-بابىندا زاڭسىز ويىن بيزنەسىن ۇيىمداستىرعانى ءۇشىن جاۋاپكەرشىلىك قاراستىرىلعان. قازىردىڭ وزىندە سوتتالعاندار بار. ماسەلەن, «TikTok» جەلىسىندە قۇمار ويىن ۇيىمداستىرعان الماتى قالاسىنىڭ 2 تۇرعىنى 4 ايدا 13 ملن تەڭگەگە جۋىق تابىس تاپقان. تەرگەۋ قورىتىندىسى بويىنشا ولار 1,5 جىلعا باس بوستاندىعىن شەكتەۋ جازاسىنا كەسىلدى», دەپ حابارلادى ءباسپاسوز قىزمەتىنەن.
سونىمەن قاتار قازىر سوتتا «TikTok» جەلىسىندە ۇقساس مازمۇنداعى كونتەنت ءۇشىن 4 ۇيىمداستىرۋشىعا قاتىستى ءىس قارالىپ جاتىر.
«قۇرمەتتى ازاماتتار, قىراعى بولىپ, وسىنداي قۇمار ويىندارعا ارالاسپاۋلارىڭىزدى سۇرايمىز. بۇل زاڭعا قايشى. سونداي-اق اتا-انالاردان بالاڭىزدىڭ مىنەز-قۇلقىنا, ونىڭ كورەتىن كونتەنتىنە جانە ونىڭ ونلاين ساۋداسىنا نازار اۋدارۋىن سۇرايمىز», دەپ ەسكەرتتى قما قىزمەتكەرلەرى.
