بۇل سىيلىققا پالاتانىڭ زاڭ شىعارۋشىلىق قىزمەتى جايلى 2022 جىلعى قىركۇيەك پەن 2023 جىلعى 15 ماۋسىم ارالىعىندا جاريالانعان جانە ەفيرگە شىققان ماتەريالدار قابىلدانادى.
كونكۋرس 7 نوميناتسيا بويىنشا وتەدى. ولار – ۇزدىك تەلەۆيزيالىق سيۋجەت, باسپا جاريالانىم, ينتەرنەت, راديو جانە فوتو ماتەريال. سونداي-اق «پارلامەنت ءسوزى» نوميناتسياسى, پارلامەنتتىك جۋرناليستيكانى دامىتۋعا قوسقان ۇلەسى ءۇشىن نوميناتسياسى مەن پارلامەنت ءماجىلىسىنىڭ قىزمەتى تۋرالى جاسالعان ارنايى رەپورتاج دا اتاپ وتىلەدى.
وتىنىمدەردى 2023 جىلعى 15 ماۋسىمعا دەيىن smimazh@parlam.kz ەلەكتروندىق پوشتاسىنا جىبەرۋ قاجەت. جەڭىمپازداردى ءماجىلىس دەپۋتاتتارىنان قۇرالعان ارنايى كوميسسيا انىقتايدى. قورىتىندى باق قىزمەتكەرلەرى كۇنى قارساڭىندا شىعارىلادى.
قوسىمشا اقپاراتتى ءماجىلىستىڭ parlam.kz رەسمي سايتىنان نەمەسە 74-63-03, 74-63-01, 74-63-05 بايلانىس تەلەفوندارى ارقىلى بىلۋگە بولادى.
