بوزكىلەم شەبەرى اسلان – بۇگىندە وبلىس قۇراماسىن باپتاپ جۇرگەن دانيار قارپىقوۆتىڭ شاكىرتى.
قوس بالۋاننىڭ فينالداعى بەلدەسۋى اسا تارتىستى ءوتتى. قارسىلاسىنا قاراعاندا شيراق قيمىلداعان اسلان اياققا ءىلىپ شالۋ ءادىسىن جاساپ, ەكى مارتە جارتى ۇپاي الدى. وسىلايشا, تۋرنير جەڭىمپازى اتانعان اسلان ساعيتبەك 500 مىڭ تەڭگە, ەكىنشى ورىننان كورىنگەن الماس جۇماعالي 300 مىڭ تەڭگە, جارىستىڭ قولا جۇلدەگەرى تالعات جيەنتاەۆ 200 مىڭ تەڭگەنىڭ سەرتيفيكاتىن ەنشىلەدى.
تۋرنير جەڭىمپازى الداعى ۋاقىتتا استانادا وتەتىن «قازاقستان بارىسىندا» ءوڭىر نامىسىن قورعايدى.
«بۇل جارىستا اناۋ وسال, مىناۋ مىقتى دەپ ايتا المايمىن. ءبارى باپتىڭ كەلىسۋىنە بايلانىستى. وسى جەرگە باق سىناپ كەلىپ وتىرعان بالۋانداردىڭ ءبارى كىلەڭ «سەن تۇر, مەن اتايىن» دەپ تۇرعان جىگىتتەر. بىرىنشىدەن, اللانىڭ قالاۋىمەن, ەكىنشىدەن باپكەرلەرىمىزدىڭ تاباندىلىعىنىڭ ارقاسىندا جەڭىسكە جەتتىك. الدا سول كىسىلەردىڭ وزىمىزگە ارتقان ءۇمىتىن اقتاۋعا تىرىسۋىمىز كەرەك, – دەيدى جارىس جەڭىمپازى.
قوستاناي وبلىسى
