اشىق نقا پورتالىندا جاريالانعان قارجى ءمينيسترىنىڭ بۇيرىعىنىڭ جوباسىنا سايكەس، قازاقستاندا Tax free پيلوتتىق جوباسىنىڭ گەوگرافيالىق اۋقىمىن كەڭەيتۋ جوسپارلانۋدا، دەپ حابارلايدى Egemen.kz.
اتاپ ايتقاندا، بۇل پيلوتتىق جوباعا الماتى، استانا، تۇركىستان قالالارىمەن قاتار شىمكەنت قالاسى دا قوسىلادى. بۇل وزگەرىس شىمكەنت قالاسىندا شەتەلدىك جانە ىشكى تۋريستەر سانىن كوبەيتۋ ماقساتىندا ەنگىزىلگەلى وتىر.
سونىمەن قاتار 2023 جىلعى 1 شىلدەدە اياقتالۋى ءتيىس پيلوتتىق جوبا مەرزىمى ەندى 2024 جىلدىڭ سوڭىنا دەيىن ۇزارتىلدى.
Tax free پيلوتتىق جوباسى 2022 جىلدىڭ 1 شىلدەسىنە دەيىن ەنگىزىلىپ، كەيىن ءبىر جىل مەرزىمگە ۇزارتىلعان بولاتىن. ونىڭ اياسىندا جوباعا قاتىساتىن قالالارعا كەلگەن شەتەلدىك تۋريست سوماسى 20 ايلىق ەسەپتىك كورسەتكىشتەن كەم ەمەس تاۋاردى ساتىپ الىپ، ەاەو اۋماعىنان تىس جەرگە اكەتكەن جاعدايدا، ونىڭ قوسىمشا قۇن سالىعى وتەلەدى. وتەماقىنى الۋ ءۇشىن تۋريست كەدەندىك بەكەتتكە Tax free چەگىن كورسەتۋى ءتيىس.
قۇجات جوباسىن جاريا تالقىلاۋ مەرزىمى – 8 ماۋسىمعا دەيىن.
الەم • كەشە
قازاقستاندا الكوگولسىز سۋسىن ءوندىرىسى ارتتى
قازاقستان • كەشە
«ارسەلورميتتال تەمىرتاۋ» تسەحىندا ءورت بولدى
قوعام • كەشە
پەتروپاۆل تۇرعىنى ەسىرتكىنىڭ ءىرى پارتياسىمەن ۇستالدى
ايماقتار • كەشە
مەملەكەت باسشىسى قاتار ءامىرى باستاعان دەلەگاتسيامەن كەزدەستى
پرەزيدەنت • كەشە
ۇقساس جاڭالىقتار
ونلاين 
