پروكۋروردىڭ مىندەتى – ايىپتاۋ ەمەس

فورۋمدى اشقان باس پروكۋرور بەرىك اسىلوۆ مەملەكەت باسشىسىنىڭ پروكۋراتۋرا ورگاندارىنا قىلمىستىق پرو­تسەستەگى زاڭدىلىقتى قامتا­ماسىز ەتۋدە ەرەكشە جاۋاپ­كەرشىلىك جۇكتەلەتىنى تۋرالى تاپسىرماسىن اتاپ ءوتتى. سون­داي-اق بۇل ءىس-شارا سوت پرو­تسەسىندە مەملەكەت مۇددەسىنىڭ فۋنكتسياسىن ءتيىمدى جۇزەگە اسىراتىن، جوعارى بىلىك­تى، تاجىريبەلى پروكۋرورلاردى دايىنداۋدىڭ تەتىكتەرىن ازىر­لەۋگە ارنالىپ وتىرعانىن ايتتى.

– بۇگىندە مەملەكەتتىك ايىپ­تاۋشىلاردىڭ ازاماتتاردىڭ قۇقىن قورعاۋشى رەتىندەگى رولىنە ەرەكشە نازار اۋدارىلىپ كەلەدى. پروكۋرورلار تەك ايىپتاۋ ۇستانىمىندا بولماۋى قاجەت. ولاردىڭ نەگىزگى ماقساتى – سوتقا كۇدىكتىنىڭ كىنالى نەمەسە كىناسىز ەكەندىگىن انىقتاۋعا كومەك بەرۋ. مەم­لەكەتتىك ايىپتاۋشى سوتتا ءادىل، وبەكتيۆتى جانە بەيتاراپ بولۋعا مىندەتتى، – دەدى ول.

پرەزيدەنت اكىمشىلىگى جەتە­كشىسىنىڭ ورىنباسارى ەر­جان جيەنباەۆ، جوعارعى سوت توراعاسى اسلامبەك مەرعا­ليەۆ جانە باسقا دا فورۋم­عا قاتىسۋشىلار ءسوز الىپ، كوتەرىلىپ وتىرعان تاقىرىپ اياسىندا ءوز پىكىرلەرىن ورتاعا سالدى.

– مەملەكەتتىك ايىپتاۋ – قىلمىستىق سوت ءىسىن جۇرگىزۋدە زاڭ ۇستەمدىگىن قامتاماسىز ەتۋ­دىڭ ءبىر ەلەمەنتى. مەم­لەكەت باسشىسى تاپسىرماسىنا سايكەس، ادىلدىك مەن باسە­كە­لەستىكتى قامتاماسىز ەتەتىن قىلمىستىق سوت ءىسىن جۇرگىزۋدىڭ وڭتايلى مودەلىن ايقىنداۋ بويىنشا بەلسەندى جۇمىس جۇرگىزىلىپ كەلەدى. سونىڭ ارقاسىندا سوڭعى جىلدارى بۇل سالادا ەلەۋلى وزگەرىستەر بار. قىلمىستىق پروتسەستىڭ ءۇش بۋىن­دى مودەلى ەنگىزىلىپ جاتىر. سوعان سايكەس بارلىق نەگىزگى پروتسەسسۋالدىق شەشىمدەر پروكۋرورلىق سۇزگى ارقىلى وتەدى، – دەدى ەرجان جيەنباەۆ.

قىلمىستىق پروتسەستەگى تاراپتاردىڭ باسەكەگە قابىلەت­تىلىگىن ارتتىرۋ پروبلەمالارى، القا بيلەر سوتى ينستيتۋتىن كەڭەيتۋ جانە قىلمىستىق سوت وندىرىسىندەگى وزەكتى ماسەلەلەر بويىنشا سوتتار، ادۆوكاتتار، زاڭگەرلەر جانە پروكۋرور­لار بايانداما جاسادى. فورۋم قورى­تىندىسى بويىنشا مەم­لەكەتتىك ايىپتاۋدىڭ ساپاسىن جانە تيىمدىلىگىن ارتتىرۋدىڭ ۇسىنىستارى دايىندالدى.

ءىس-شارانىڭ ەكىنشى كۇنى قۇقىق قورعاۋ ورگاندارى اكادەمياسىندا ارنايى شاقى­رىلعان قوناقتار ءۇشىن ترەنينگتەر مەن دارىستەر وتەدى.