ء«ومىر» ءانى – ديماش قۇدايبەرگەننىڭ تەرەڭ دە اسەرلى كومپوزيتورلىق تۋىندىسى. وندا ءارتىس وزىمەن ىشتەي مونولوگ جۇرگىزىپ, ءومىردى ءبىر-بىردەن سۇرىپتاپ, ىشكى جان دۇنيەسى تۋرالى سىر اقتارادى.
«بەينەباياندى كورگەندە كورەرمەن پروەكتورى بار كىشكەنتاي قاراڭعى بولمەگە كوشەدى. وندا ديماشتىڭ ومىردەگى ەڭ جارقىن ساتتەرىن تاماشالاۋعا بولادى: الاڭسىز بالالىق شاق, مۋزىكا بايقاۋلارى, «I am Singer» بايقاۋىنداعى جەڭىسى, ونىڭ سۇيىكتى Dears-ءى, بەدەلدى تۇلعالارمەن تانىسۋ جانە ۇمىتىلماس كونتسەرتتەرى… وسى كادرلاردىڭ بارلىعىنا قاراپ, ديماش ءار ءساتتى قايتا باستان وتكەرگەندەي», دەپ جازادى Dimashnews.com سايتى.
- ء«ومىردىڭ» – اۋەنى دە, ءسوزى دە مەنىڭ ىشكى دۇنيەمنەن العاش شىققان تۋىندى, تۋعان كۇنىمە ارنالعان شىعارما. مەنى سۋ بەتىندەگى الاپات تولقىنعا, ىزعارلى داۋىلعا قارسى تۇرۋعا شاقىرعان بارشا تىڭدارمانىما ارنايمىن. بۇل تۋىندى مەنىڭ ءومىرىم تۋرالى, - دەدى ديماش جاڭا بەينەبايانى جايلى.
