بۇگىندە سينگاپۋردىڭ سەگىزىنشى پرەزيدەنتى حاليما ياكوب پرەزيدەنت لاۋازىمىن اتقارعان العاشقى مۇسىلمان ايەل. 2017 جىلى العاش رەت حيدجاب كيگەن ايەل سينگاپۋر مەملەكەتىنىڭ پرەزيدەنتى بولدى. 2001 جىلى ساياساتقا ارالاسىپ, 10 جىلدان كەيىن جاستار جانە سپورت مينيسترلىگىن باسقاردى. حاليما ياكوب 63 جاسىندا سايلاۋعا قاتىسىپ, ودان وزگە ۇمىتكەرلەر تالاپقا ساي كەلمەگەن سوڭ اۆتوماتتى تۇردە پرەزيدەنت بولىپ سايلانادى.
سينگاپۋر پرەزيدەنتى قىزمەتىن اتقارعان العاشقى مۇسىلمان ايەل ءارى بەس بالانىڭ اناسى. حاليما قىزدارعا ارنالعان مەكتەپ-ينتەرناتىندا وقىعان. ول زايىرلى ۇستانىمدى قولدايدى. ول كەڭ ىسكەرلىك كوستيۋمدەر كيەدى, جەڭىل ماكياجدى, زەرگەرلىك بۇيىمداردى جاقسى كورەدى, سونىمەن قاتار ءداستۇرلى حيدجابتى دا ۇمىتپايدى. حاليما ايەلدەر قۇقىعىن قورعاپ, ۇنەمى «Club Heal» پسيحيكالىق دەنساۋلىق قوعامىن قولداپ وتىرادى. سونداي-اق قايىرىمدىلىقپەن دە اينالىسادى.
حاليما ياكوب 47 جىل ىشىندە سينگاپۋردى باسقارعان تۇڭعىش ايەل عانا ەمەس, مالاي تۋماسىنان شىققان تۇڭعىش پرەزيدەنت بولدى. سينگاپۋردىڭ بۇرىنعى مالاي پرەزيدەنتى 1966-1970 جىلدارى تاۋەلسىزدىكتىڭ تاڭىندا ەلدى باسقارعان يۋسۋف بەن يسحاك بولعان. وسىدان كەيىن بۇل لاۋازىمدى نەگىزىنەن ەتنيكالىق قىتايلار مەن ۇندىلەر اتقاردى.
كوپشىلىك بارعىسى كەلەتىن ەلدەر تىزىمىندە سينگاپۋر كوش باستاپ تۇر. ەلدىڭ ءبىلىم بەرۋ جۇيەسى, ەكولوگياعا, ەل ازاماتتارىنىڭ قاۋىپسىزدىگىنە دەگەن قامقورلىعى تاڭعالدىرماي قويمايدى.
ەرلان كيىكباي,
ەۇۋ, ستۋدەنتى
