«قازىرگى ۋاقىتتا يۋنەسكو-نىڭ بۇكىلالەمدىك مادەني مۇرا تىزىمىنە قازاقستان رەسپۋبليكاسىنان 10 نىسان ەنگىزىلگەن. 2025 جىلعا قاراي ولاردىڭ سانىن 16 بىرلىككە دەيىن ارتتىرۋ جوسپاردا بار.
قىرعىز رەسپۋبليكاسى, تاجىكستان جانە وزبەكستانمەن بىرلەسىپ « ۇلى جىبەك جولى: فەرعانا-سىرداريا ءدالىزى» سەريالىق ترانسۇلتتىق نوميناتسياسىن دايىنداۋ جانە ىلگەرىلەتۋ بويىنشا جۇمىس جۇرگىزىلىپ كەلەدى. ونىڭ شەڭبەرىندە ۇلى جىبەك جولى بويىنداعى 6 نىساندى: سىعاناق, ساۋران, ياسى, وتىرار, جانكەنت قالاشىقتارى مەن جەتىاسار ءوازيسىنىڭ ەسكەرتكىشتەرىن يۋنەسكو تىزىمىنە ەنگىزۋ جوسپارلانىپ وتىر», دەدى اسحات ورالوۆ 2023-2029 جىلدارعا ارنالعان مادەني ساياسات تۇجىرىمداماسىن تانىستىرۋ بارىسىندا.
