– زاماناۋي ۇلگىدەگى QR-كود قويىلعان ەكسپوزيتسيا مۇمكىندىگى شەكتەۋلى ازاماتتاردىڭ سمارتفونعا جادىگەردىڭ كودىن ەنگىزۋ ارقىلى ورتاعاسىرلىق تاريحقا ساياحات جاساۋىنا مۇمكىندىك تۋعىزدى. بۇل ءىس-شارا ارقىلى زاعيپ جاندار كىتاپتان وقىپ, قۇلاقپەن ەستىگەن مالىمەتىن قولىمەن ۇستاپ سەزىندى. وسىلايشا, ولار مىڭجىلدىقتارمەن ساباقتاسىپ جاتقان تارازدىڭ تاريحىمەن تانىسىپ وتىر, – دەيدى كىتاپحانا ديرەكتورىنىڭ ورىنباسارى زارينا دۇكەنباەۆا.
كىتاپحانا باسشىلارىنىڭ ايتۋىنشا, العاش رەت ۇيىمداستىرىلعان ءىس-شارا بارىسىندا QR-كود ارقىلى 30 جادىگەر قويىلسا, الداعى ۋاقىتتا تاس ءداۋىرى جادىگەرلەرىنەن قازىرگى زامان تاريحىنا دەيىن قامتىپ, اتالعان جوبا ارقىلى سۋرەت الەمى مەن ۇلتتىق قولونەرىمىزدىڭ قىر-سىرىن تانىستىرۋ سەكىلدى باعىتار دا قاراستىرىلماق.
«تيفلومۋزەي جوباسى» اياسىندا قولعا الىنعان تاريحي-تانىمدىق ءىس-شاراعا بەلسەنە قاتىسقان ازاماتتار جوبانىڭ وزدەرىن قىزىقتىرعانىن تىلگە تيەك ەتتى. «ەلىمىزدىڭ قاي قيىرىن الىپ قاراساق تا, تاريحى تەرەڭ ەكەنىنە كۇمانىمىز جوق. ونىڭ ىشىندە جامبىل وبلىسىنىڭ, تاراز قالاسىنىڭ ورنى بولەك ەكەنى راس. ەكى مىڭ جىلدان اسا تاريحى بار تارازداعى ءاربىر جادىگەردىڭ ۋاقىتىندا قالاي جاسالعانى ءبىز ءۇشىن قىزىق. سوندىقتان دا مۇنداي ءىس-شارالار ءجيى ۇيىمداستىرىلسا ەكەن», دەيدى ولار.
تاراز
