Freedom Life بازاسىنىڭ مالىمەتتەرىنە سايكەس, كوكتەم كەزىندە دەمالىسقا باراتىن قازاقستان تۋريستەرى ساقتاندىرۋدى تۇركيا, بىرىككەن اراب امىرلىكتەرى, ەگيپەت جانە تايلاند ەلدەرىنە جيىرەك رەسىمدەيدى ەكەن. وسك ماماندارىنىڭ بولجاۋلارى بويىنشا, 2023 جىلدىڭ جازىندا, ساقتاندىرۋشىلار سانى گرۋزيا, ازەربايجان, چەرنوگوريا, يتاليا, گرەتسيا باعىتتارى بويىنشا كوبەيەدى.
ءباا (دۋباي, شاردجا)
تاڭعى اس قوسا ەسەپتەلەتىن 3 نەمەسە 4 جۇلدىزدى قوناقۇيدە 7 كۇن تۇراقتاۋ, ورتاشا ەسەپپەن ءبىر ادامعا 165 مىڭ تەڭگەنى قۇرايدى. تۋردىڭ ارزان بولعانىمەن, جەرگىلىكتى كافە مەن مەيرامحانالاردا تاماقتانۋ, تاكسي جالداۋ جانە ويىن-ساۋىق شىعىندارى بۇدان ەكى ەسە قىمباتقا ءتۇسۋى مۇمكىن.
تۇركيا (كەمەر, الانيا)
وسى ماۋسىمدا قازاقستان تۋريستەرى ءۇشىن ەڭ ارزان باعىت - تۇركيا. ءبارى قامتىلعان بەس جۇلدىزدى قوناقۇيدە ءبىر اپتا دەمالۋ ورتاشا ەسەپپەن 270 مىڭ تەڭگە, ال 3-4 جۇلدىزدى قوناقۇيدە تۇرۋ – 168 مىڭ تەڭگە.
ۆەتنام (نياچانگ)
بۇل باعىتتىڭ باعالارى ءبىر جىل ىشىندە ەداۋىر ارزاندادى. 2022 جىلدىڭ كوكتەمىندە ۆەتنامعا بارۋ ءبىر ادامعا 700 مىڭ تەڭگە بولسا, قازىر تاڭعى اسى قوسا ەسەپتەلەتىن 3-4 جۇلدىزدى قوناقۇيدە ءبىر اپتا تۇرۋ 200 مىڭ تەڭگە كولەمىندە بولادى.
ەگيپەت (شارم-ەل-شەيح)
3-4 جۇلدىزدى قوناقۇي جالداساڭىز, ءبىر اپتادا قالتاڭىزدان 207 مىڭ تەڭگە كەتەدى. تۋرلاردىڭ كوبىندە تاڭعى اس پەن كەشكى اس قامتىلعان.
ازەربايجان (باكۋ)
وتكەن جىلمەن سالىستىرعاندا تۋرلاردىڭ قۇنى وزگەرە قويعان جوق. وسى جازدا, 3-4 جۇلدىزدى قوناقۇيدە 7 كۇنگە تۇراقتاۋ, ورتاشا باعامەن, ءبىر ادامعا 258 مىڭ تەڭگەنى قۇرايدى. بارلىق تۋرلاردا تاڭعى اس بار.
گرۋزيا (كوبۋلەتي, باتۋمي)
3 جۇلدىزدى قويناقۇيدە 7 كۇن تۇرۋدىڭ ورتاشا باعاسى – ءبىر ادامعا, 278 مىڭ تەڭگە. كەيبىر قوناقۇيلەردە تاڭعى اس قامتىلعان, بىراق, كوبىندە جوق.
تايلاند (پحۋكەت)
بۇل جاقتا ءتورت جۇلدىزدى قوناقۇيدە 317 مىڭ تەڭگەگە ءبىر اپتا بويى دەمالۋعا بولادى.
و. شري-لانكا
وسى جىلى 3-4 جۇلدىزدى قوناقۇيدە ءبىر اپتا دەمالۋدىڭ ورتاشا قۇنى ءبىر ادامعا 404 مىڭ تەڭگە شاماسىندا بولادى.
مالديۆ ارالدارى
وتكەن جىلى ارالدارعا ساياحاتتاۋ قىمبات ساياحات بولعان. ورتاشا ەسەپپەن ءبىر ادامعا 1,1 ملن تەڭگە كەتكەن. الايدا, 2023 جىلدىڭ كوكتەمىندە باعالار ارزانداي باستادى. قازىر بۇل ارالدا ءبىر 524 مىڭ تەڭگەگە دەمالۋعا بولادى.
دومينيكانا
بيىلعى جىلدىڭ ەڭ قىمبات تۋرى. تۋردىڭ ورتاشا قۇنى - 1,6 ملن تەڭگە.
