وڭىرلەردە مينەرالدى سۋ باعاسىنىڭ ەڭ كوپ جىلدىق وسۋى جەتىسۋ وبلىسىندا (66,4%-عا), ودان كەيىن قىزىلوردا (49,5%-عا) جانە باتىس قازاقستان (48,1%-عا) وبلىستارىندا بايقالدى.
باعانىڭ ەڭ از ءوسۋى - ۇلىتاۋ وبلىسىندا (8,3%-عا), شىمكەنتتە (11,4%-عا) جانە تۇركىستان وبلىسىندا (18,5%-عا).
ءبىر جىلدا اۋىزسۋ 25,8 پايىزعا قىمباتتادى. ەڭ كوپ باعا وسىمى اقمولا جانە اباي وبلىستارىندا تىركەلدى: سايكەسىنشە 43% جانە 42,6%.
اۋىزسۋ قۇنىنىڭ ايتارلىقتاي وسۋى قوستاناي وبلىسىندا دا بايقالدى: 31,5%-عا. باعانىڭ ەڭ از وسۋى تۇركىستان (10,9%-عا), باتىس قازاقستان (15,1%) جانە پاۆلودار (15,2%-عا) وبلىستارىندا بايقالدى.
الكوگولسىز سۋسىندار ىشىندە گازسىز سۋسىندار دا قىمباتتادى: ءبىر جىلدا 34,7%. وڭىرلىك تۇرعىدا باتىس قازاقستان وبلىسىندا گازسىز سۋسىندار ءبىر جىلدا بىردەن 85,3%-عا ءوستى, ودان كەيىن اتىراۋ جانە شىعىس قازاقستان وبلىستارىندا (تيىسىنشە 51,9%-عا جانە 47,7%-عا) ءوستى.
سالاداعى ەڭ از باعا ءوسىمى جامبىل (14,5%-عا), اقتوبە (23,6%-عا), سونداي-اق پاۆلودار جانە ماڭعىستاۋ (ار وڭىردە 24,6%-عا) وبلىستارىندا تىركەلدى.
