21 مامىردا مادەنيەت جانە ونەر قىزمەرلەرى كۇنى اتاپ وتىلەدى. اتالمىش مەرەكە پرەزيدەنت جارلىعىمەن 2013 جىلى بەكىتىلگەن ەدى.
اتاۋلى كۇن - رۋحاني-مادەني ءومىرىمىزدىڭ وزەگىنە جان ءبىتىرىپ وتىرعان ازاماتتاردىڭ مەرەيلى مەرەكەسى. وسىعان وراي ۇلتتىق اكادەميالىق كىتاپحانادا «مادەنيەت: كىتاپ. ءبىلىم. ءتىل» openair فەستيۆالى وتەدى.
فەستيۆال مادەنيەت, ونەر جانە كىتاپحانا سالاسىندا قىزمەت ەتىپ جۇرگەن, سونداي-اق بۇل سالانىڭ دامۋىنا ۇلەس قوسقان مامانداردى قولداۋ ماقساتىندا ۇيىمداستىرىلىپ وتىر.
قر مادەنيەت جانە سپورت ءمينيسترى اسحات ورالوۆ وڭىرلەردەن كەلگەن ۇزدىك كىتاپحانا قىزمەتكەرلەرى مەن ەلىمىزدىڭ تۇكپىر-تۇكپىرىنەن كەلەتىن ارداگەر كىتاپحاناشىلاردى مادەنيەت سالاسىنىڭ جوعارى ناگرادالارىمەن ماراپاتتايدى.
شارا اياسىندا جازۋشىلار, جۋرناليستەر, رەداكتورلار مەن كينورەجيسسەرلەردىڭ قاتىسۋىمەن «كىتاپ وقۋ – جەتىستىك ءترامپلينى» اتتى NetWorking ۇيىمداستىرىلادى. باعدارلامادا «BOOKS-TOP» كىتاپحانا مەن باسپالاردىڭ كورمە-جارمەڭكەسى, انتيكۆارلىق زاتتار, قولتاڭبالار جانە جاڭا كىتاپتار كورمەسى, اrt-شەبەرلىك ساعاتتارى ۇيىمداستىرىلسا, بالالار پاۆيلونىندا ءتۇرلى كەزدەسۋلەر, قويىلىمدار وتەدى. اشىق ديالوگتا جازۋشى-باسپاگەرلەر ۇلتتىق قۇندىلىقتاردى ارتتىرۋدىڭ زاماناۋي تاسىلدەرىن تالقىعا سالادى. تاجىريبەلى ترەنەرلەر كىتاپحانالىق مەديا جوبالار, مەدياساۋاتتىلىق, موبيلوگرافيا جانە SMM-تەحنولوگيالارى, TikTok كونتەنتتەرىن ازىرلەۋ سىندى وزەكتى تاقىرىپتاردى قوزعايدى. سالا دامۋىنا قاتىستى ماڭىزدى ماسەلەلەر «QUIZ» ينتەللەكتۋالدىق الاڭىندا جالعاسادى. ال باسقا وڭىرلەردەن كەلگەن كىتاپحاناشىلار تاجىريبەلىك كەيستەرىمەن بولىسەدى.
