تۇركياداعى پرەزيدەنت جانە پارلامەنت سايلاۋى اياقتالدى. 15 مامىر ساعات 01:00-دەگى ناتيجە مىناداي:
رەجەپ تايپ ەردوعان: 49.26%,
كەمال كىلىچداروگلۋ: 45,04,
سينان وگان: 5.28%,
داۋىس بەرۋگە سايلاۋشىلاردىڭ 88,73%-ى قاتىسقان. بيۋللەتەندەردىڭ 99,71%-ى وڭدەلگەن.
«14 مامىرداعى داۋىس بەرۋ ەل تاريحىنداعى ەڭ رەكوردتىق كورسەتكىشتەردىڭ ءبىرى بولدى. ءبىز اركەز حالىقتىڭ ەركىنە قۇرمەت كورسەتىپ كەلەمىز. بۇل جولى دا سولاي جانە الداعى ۋاقىتتا دا سولاي بولىپ قالا بەرمەك. سايلاۋشىلاردىڭ پىكىرىمەن ساناسامىز. ەگەر حالىق جەڭىستى ەكىنشى كەزەڭگە قالدىرۋدى ءجون كورسە, وندا ءبىز بۇل شەشىمدى قابىلداۋعا دايىنبىز», دەدى ر.ەردوعان.
سونداي-اق ول سايلاۋ ۋچاسكەلەرىنە كەلگەن بارلىق 56 ميلليون سايلاۋشىعا جانە ونىڭ كانديداتۋراسىن قولداعان 27 ميلليون ادامعا ريزاشىلىعىن ءبىلدىردى.
