اقساقالدار كەڭەسى – تاۋەلسىز حالىقارالىق ۇيىم. 2014 جىلى قۇرىلعان ينستيتۋت مۇسىلمان قاۋىمداستىعىنا بەيبىتشىلىك پەن كەلىسىم قۇندىلىقتارىن ناسيحاتتايدى.
كەڭەستىڭ وفيسىندە وتكەن جۇزدەسۋدە دارحان قىدىرالى ارىپتەسىنە فورۋمعا شاقىرعانى ءۇشىن العىس ايتىپ, كونفەسسياارالىق كەلىسىم مەن ديالوگتى دامىتۋ ماسەلەلەرىندە حالىقارالىق ۇيىمدار ماڭىزدى ءرول اتقاراتىنىن جەتكىزدى. سونىمەن قاتار مينيستر استانادا وتكەن الەمدىك جانە ءداستۇرلى دىندەر كوشباسشىلارىنىڭ VII سەزى دەكلاراتسياسىنىڭ مازمۇندىق ماڭىزدىلىعى مەن وزەكتىلىگىن ەسكەرە وتىرىپ, بۇل قۇجاتتى ىلگەرىلەتۋدە كەڭەس ءرولىنىڭ ەرەكشە بولارىنا سەنەتىنىن مالىمدەدى.
ەلىمىزدە مۇسىلمان اقساقالدار كەڭەسىنىڭ وكىلدىگىن اشۋ جۇمىستارى تالقىلانىپ جاتىر. اتالعان وكىلدىك ايماقتاعى تولەرانتتىلىق پەن بەيبىتشىلىكتى ناسيحاتتاۋعا ءوز ۇلەسىن قوسپاق. مۇحاممەد ابدەلسالام قازاقستاننىڭ دىنارالىق جانە ۇلتارالىق قاتىناستاعى جۇمىستارىنا جوعارى باعا بەرىپ, بۇل سالادا ىنتىماقتاستىقتى تەرەڭدەتۋگە نيەتتى ەكەنىن ءبىلدىردى. كەزدەسۋ قورىتىندىسىندا دارحان قىدىرالى مۇحاممەد ابدەلسالامدى استانادا وتەتىن حالىقارالىق ۆولونتەرلەر فورۋمىنا شاقىردى.
بۇدان بولەك, دارحان قىدىرالى ءابۋ دابيدەگى «حەدايا» ورتالىعىنىڭ اتقارۋشى ديرەكتورى احمەد ءال-قاسيميمەن كەزدەستى. 2012 جىلى اشىلعان حالىقارالىق ورتالىق ەكسترەميزم جانە تەرروريزممەن كۇرەس باعىتىنداعى زەرتەۋ جۇمىستارىمەن جانە وڭالتۋمەن اينالىسادى.
دارحان قىدىرالى مينيسترلىك پەن «حەدايا» ورتالىعى اراسىنداعى بايلانىستىڭ ودان ءارى نىعايا بەرەتىنىن جەتكىزدى. قازىرگى ۋاقىتتاعى زورلىق-زومبىلىق ەكسترەميزمىنە قارسى ءىس-قيمىل سالاسىنداعى وزەكتى ماسەلەلەر تالقىلاندى.
