«ماشينا جاساۋ سالاسى — كەز كەلگەن يندۋستريالدى دامىعان مەملەكەت ەكونوميكاسىنىڭ ماڭىزدى بولشەگى. جابدىقتار, ماشينالار, ءتۇرلى اسپاپتار, سونداي-اق حالىققا ارنالعان تاۋارلاردىڭ بارلىق ءتۇرءىن وندىرە وتىرىپ, ماشينا جاساۋ كەشەنى ەكونوميكانىڭ بارلىق نەگىزگى سالالارىنداعى قىزمەتتىڭ تۇراقتىلىعىن قامتاماسىز ەتەدى», دەپ اتاپ ءوتتى قر يندۋستريا جانە ينفراقۇرىلىمدىق دامۋ ۆيتسە-ءمينيسترى ءىلياس وسپانوۆ.
بۇگىنگى تاڭدا قازاقستان ونەركاسىبىندە ماشينا جاساۋ 6%, ءىجو بويىنشا 1,5 پايىزىن قامتيدى. اتالعان سالادا 4 مىڭعا جۋىق كاسىپورىن جۇمىس ىستەيدى. سونىمەن قاتار بيىل قۇنى شامامەن 230 ملرد تەڭگە بولاتىن 36 جوبانى ىسكە اسىرۋ جوسپارلانىپ وتىر.
سالانى ودان ءارءى دامىتۋ ءۇشىن مەملەكەت باسشىسىنىڭ تاپسىرماسى بويىنشا ماشينا جاساۋدى دامىتۋ جونىندەگى كەشەندى جوسپار ازىرلەنۋدە. وسى ورايدا ماڭىزدى قۇجاتتى ءازىرلەۋگە قاتىستى تولىق اقپاراتپەن «Qazindustry قازاقستاندىق يندۋستريا جانە ەكسپورت ورتالىعى» اق باسقارما توراعاسىنىڭ ورىنباسارى ءاليحان اباكانوۆ ءبولىستى.
«ماشينا جاساۋ سالاسىنىڭ ينۆەستيتسيالىق تارتىمدىلىعىن ودان ءارءى ارتتىرۋ, ونىڭ باسەكەگە قابىلەتتىلىگىن نىعايتۋ ماقساتىندا مەملەكەت باسشىسىنىڭ تاپسىرماسى بويىنشا ءتيىستى كەشەندى جوسپار ازىرلەنۋدە. ونى تابىستى ىسكە اسىرۋ سالانىڭ دامۋىنا قۋاتتى سەرپىن بەرەدى جانە ەلىمىزدىڭ تۇراقتى يندۋستريالىق وسۋىنە ماڭىزدى ۇلەس قوسادى دەپ كۇتىلۋدە. بيىل قر يدم تاۋ-كەن مەتاللۋرگيا, ەلەكتروتەحنيكا, مۇناي-گاز, تەمىرجول, اۋىلشارۋاشىلىعى ماشينا جاساۋ سالالارى بويىنشا 7 جۇمىس توبى قۇرىلدى. كەشەندى جوسپاردىڭ ءاربىر بولىگى ەگجەي-تەگجەيلى تالقىلانىپ كەلەدى», دەدى ا.اباكانوۆ.
ءوز كەزەگىندە قازاقستان ماشينا جاساۋشىلار وداعىنىڭ اتقارۋشى ديرەكتورى ومىرسەرىك ەرجانوۆ ماشينا جاساۋ كءاسىپورىندارىن قولداۋ جونىندەگى مەملەكەتتىك شارالار تۋرالى ايتىپ بەردى.
«بۇل فورۋم سالانى وركەندەتۋگە ىقپال ەتەتىن تىڭ تاسىلدەر تابۋعا ارنالعان ءتيىمدى ديالوگ الاڭىنا اينالدى. البەتتە, قازاقستاندىق ماشينا جاساۋ وڭدەۋ ونەركاسىبىندە جەتەكشى رءول اتقارادى. ماشينا جاساۋ سالاسىن دامىتۋ شەڭبەرىندەگى جۇمىس جالعاساتىن بولادى», دەدى وتاندىق ماشينا جاساۋشىلار وداعىنىڭ وكىلءى.
جيىندى قورىتىندىلاي كەلە سپيكەرلەر فورۋم اياقتالعان سوڭ قازاقستان رەسپۋبليكاسىنىڭ ۇكىمەتىنە ۇسىنىمدار جولداناتىنىن ايتتى.
