«قورعانىس مينيسترلىگىندە سىزدەردىڭ ادامداردى 1 ايدان 3 ايعا دەيىنگى مەرزىمگە مەرزىمدى اسكەري قىزمەت وتكەرۋ شارتتارىندا اسكەري قىزمەتكە قابىلداۋ تۋرالى سۇراۋ سالۋلارىڭىز قارالدى. قورعانىس مينيسترلىگى قارۋلى كۇشتەردىڭ وڭ بەينەسىن قالىپتاستىرۋ جانە قولداۋ ماقساتىندا اسكەردىڭ تىرشىلىك ارەكەتىن جاريا ەتۋ بويىنشا اقپاراتتىق جۇمىستى ۇدايى نەگىزدە جۇرگىزۋدە. 2023 جىلدىڭ تەك وتكەن كەزەڭى بويىنشا قارۋلى كۇشتەر تۋرالى 6 369 اقپاراتتىق ماتەريال شىعارىلدى», دەپ اتاپ ءوتتى رۋسلان جاقسىلىقوۆ.
سونىمەن قاتار مينيستر ادامداردى مەرزىمدى اسكەري قىزمەت وتكەرۋ شارتتارىندا اسكەري قىزمەتكە قابىلداۋ ماسەلەسىن ىسكە اسىرۋ ءۇشىن مىنالار قاجەت ەتىلەتىندىگىنە نازار اۋدارتادى:
1) «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» زاڭعا, «قازاقستان رەسپۋبليكاسىنىڭ قورعانىسى جانە قارۋلى كۇشتەرى تۋرالى» زاڭعا, «قازاقستان رەسپۋبليكاسىنىڭ قارۋلى كۇشتەرiندە, باسقا دا اسكەرلەرi مەن اسكەري قۇرالىمدارىندا اسكەري قىزمەت وتكەرۋ قاعيدالارىن بەكiتۋ تۋرالى» قازاقستان رەسپۋبليكاسى پرەزيدەنتىنىڭ 2006 جىلعى 25 مامىرداعى № 124 جارلىعىنا, «قازاقستان رەسپۋبليكاسىنىڭ ازاماتتارىن اسكەري قىزمەتكە شاقىرۋدى ۇيىمداستىرۋ مەن جۇرگىزۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 15 مامىرداعى № 620 قاۋلىسىنا ولاردى اسكەرگە شاقىرۋ بويىنشا وزگەرىستەر مەن تولىقتىرۋلار ەنگىزۋ;
2) «بلوگەر» ستاتۋسىن بەرۋ ءتارتىبىن ايقىنداۋ;
3) وسى ماسەلەنى قارجىلىق قامتاماسىز ەتۋ;
4) ازاماتتاردى جاۋىنگەرلىك دايارلاۋ باعدارلاماسى;
5) قاتارداعى جاۋىنگەر بوس لاۋازىمدارىنا تاعايىنداۋ;
6) تاماقتاندىرۋدى ۇيىمداستىرۋ, كيىم-كەشەك مۇلكىمەن جانە جابدىقپەن قامتاماسىز ەتۋ;
7) ولاردى ورنالاستىرۋ ءۇشىن بوس تۇرمىستىق-كازارمالىق قوردىڭ بولۋى جانە ت.ب.
«قر كونستيتۋتسياسىنىڭ 14-بابىنا سايكەس زاڭ مەن سوت الدىندا جۇرتتىڭ ءبارى تەڭ جانە كەز كەلگەن وزگە جاعداياتتار بويىنشا ەشكىمدى ەشقانداي كەمسىتۋگە بولمايتىنىن اتاپ ءوتۋ قاجەت. وسىعان بايلانىستى, وسى ماسەلەنى ىسكە اسىرۋ اسكەرگە شاقىرىلۋشىلار اراسىندا مەرزىمدى اسكەري قىزمەت وتكەرۋ مەرزىمىمەن بايلانىستى الەۋمەتتىك تەڭسىزدىككە ىقپال ەتۋى مۇمكىن. جوعارىدا مازمۇندالعاننىڭ نەگىزىندە جانە وسى ماسەلەنىڭ ءبىر رەتتىك سيپاتىن ەسكەرە وتىرىپ, رەسپۋبليكالىق جانە وڭىرلىك باق وكىلدەرىنىڭ جانە بلوگەرلەردىڭ قاتىسۋىمەن «اسكەري ديسكۋرس» ەكسترەمالدى جۋرناليستيكا بويىنشا وقۋ-پراكتيكالىق سەمينار وتكىزۋدى ۇسىنامىز», دەدى ول.
