ءاليحان سمايىلوۆ تۇركيا قازاقستاننىڭ ساۋدا-ەكونوميكا, ينۆەستيتسيا, سونداي-اق كولىك سالاسىنداعى نەگىزگى سەرىكتەستەرىنىڭ ءبىرى ەكەنىن اتاپ ءوتتى.
ء«بىز ەلىمىزدىڭ كولىك-لوگيستيكالىق الەۋەتىن ارتتىرۋعا ۇلكەن كوڭىل بولەمىز. بۇگىندە ۇكىمەت الدىندا قازاقستاننىڭ سەنىمدى كونتينەنتتىك ترانزيتتىك حاب رەتىندەگى ءرولىن كۇشەيتۋ مىندەتى تۇر», دەدى ول.
پرەمەر-مينيستر TAV Airports حولدينگىنىڭ الماتىداعى جاڭا حالىقارالىق تەرمينال قۇرىلىسى بويىنشا ءىرى ينفراقۇرىلىمدىق جوبانى جۇزەگە اسىرۋعا قاتىسۋى ماڭىزدى دەپ اتاپ ءوتتى.
«بۇل – ورتالىق ازياداعى ەڭ ءىرى اۋەجايلاردىڭ ءبىرى ارى ستراتەگيالىق ماڭىزى زور. جاڭا تەرمينال قۇرىلىسى جولاۋشىلار تاسىمالىن ايتارلىقتاي ارتتىرىپ, ۇشۋ گەوگرافياسىن كەڭەيتەدى جانە مەگاپوليس تۇرعىندارى مەن قوناقتارىنا جوعارى دەڭگەيدەگى جايلى قىزمەت كورسەتەدى دەپ كۇتەمىز», دەدى پرەمەر-مينيستر.
ءوز كەزەگىندە سەركان كاپتان كومپانيانىڭ قازاقستانداعى قىزمەتى مەن وندىرىستىك ماسەلەلەرى جايلى, سونىمەن قاتار ەلىمىزدەگى باسقا دا جوبالارعا قاتىسۋدى جوسپارلاپ وتىرعانىن ايتتى.
ء«بىز ءۇشىن الماتى اۋەجايى ماڭىزدى جوبالاردىڭ ءبىرى, ويتكەنى ول ورتالىق ازيانىڭ قاق ورتاسىندا ورنالاسقان جانە قالا ءۇشىن دە, بۇكىل قازاقستان ءۇشىن دە ماڭىزدى ءرول اتقارادى. سوندىقتان ءبىز ونى مۇمكىندىگىنشە تەزىرەك دامىتۋعا تىرىسامىز. جاڭا تەرمينال كەلەر جىلى جۇمىس ىستەي باستايدى دەپ ۇمىتتەنەمىز», دەدى ول.
كەزدەسۋ قورىتىندىسى بويىنشا تاراپتار ءتيىمدى ىنتىماقتاستىقتى ودان ءارى نىعايتۋعا دايىن ەكەندەرىن راستادى.
