ءىس-شاراعا عىلىم جانە جوعارى ءبىلىم مينيسترلىگىنە قاراستى جوعارى جانە جوعارى وقۋ ورنىنان كەيىنگى ءبىلىم بەرۋ كوميتەتى توراعاسىنىڭ ورىنباسارى اقەركە ابىلايحان مەن قر پارلامەنتى ءماجىلىسىنىڭ دەپۋتاتى داۋلەت مۇقاەۆ قاتىستى.
«عىلىم جانە جوعارى ءبىلىم مينيسترلىگى اتىنان بىلىمگە قۇشتار جاستاردى قولداپ, ءبىلىم مەن عىلىمدى نەگىزگى قۇندىلىققا اينالدىرىپ وتىرعان جوباعا ساتتىلىك تىلەيمىز», دەپ اتاپ ءوتتى اقەركە ابىلايحان.
2019 جىلى باستاۋ العان ء«بىلىمنىڭ جۇلدىزى» قايىرىمدىلىق جوباسى قازاقستاننىڭ ءبىلىمدى, ءارى تالانتتى جاستارىن قولداپ كەلەدى. بيىل 200 ستۋدەنتكە 100 000 تەڭگەدەن ءبىر رەتتىك شاكىرتاقى تاعايىندالدى. ىرىكتەۋگە قازاقستاننىڭ تۇكپىر-تۇكپىرىنەن 854 ستۋدەنتتەن ءوتىنىم ءتۇستى. ونىڭ ىشىندە 774 ءوتىنىم جوو, 80 ءوتىنىم كوللەدج ستۋدەنتتەرىنەن كەلگەن. جەڭىمپازداردى انىقتاۋدا موتيۆاتسيالىق حات, وقۋ ۇلگەرىمى مەن الەۋمەتتىك جاعدايلارى ەسكەرىلدى.
«شاكىرتاقى يەگەرلەرىنىڭ باسىم كوپشىلىگى كوپبالالى وتباسىلاردان, تولىق ەمەس جانۇيادا وسكەندەر, جەتىم جانە اتا-اناسىنىڭ قامقورلىعىنسىز قالعان بالالار, اتا-اناسىنىڭ ەكەۋىندە دە نەمەسە بىرەۋىندە مۇگەدەكتىك بار جاندار جانە مۇمكىندىگى شەكتەۋلى ستۋدەنتتەردەن بولدى», دەدى قور جەتەكشىسى جاسۇلان قۋاندىق.
جەڭىمپازداردىڭ ءتىزىمىن dauletten.kz سايتىنان كورۋگە بولادى.
