سينوپتيكتەردىڭ بولجاۋىنشا, رەسپۋبليكانىڭ باسىم بولىگىنە جاۋىن-شاشىنسىز اۋا رايى ساقتالادى.
«قازاقستاننىڭ باتىسىندا, وڭتۇستىك-باتىسىندا نايزاعاي ويناپ, بۇرشاق جاۋادى, كەي جەرلەردە قاتتى جاڭبىر جاۋادى, وڭتۇستىك-شىعىس پەن شىعىستا جاۋىن-شاشىن (جاڭبىر, قار) بولادى», دەدى سينوپتيكتەر.
رەسپۋبليكا بويىنشا جەلدىڭ كۇشەيۋى, وڭتۇستىكتە, وڭتۇستىك-شىعىستا, باتىستا شاڭدى داۋىل, سولتۇستىكتە, سولتۇستىك-شىعىستا تۇمان كۇتىلەدى.
تۇندە الماتى وبلىسىنىڭ تاۋلى ايماقتارىندا, ورتالىقتا, جەتىسۋ وبلىسىنىڭ تاۋلى ايماقتارىندا, سولتۇستىكتە, قوستاناي وبلىسىنىڭ وڭتۇستىك-شىعىسىندا, ۇلىتاۋ وبلىسىنىڭ شىعىسىندا, جامبىل وبلىسىنىڭ تاۋلى ايماقتارىندا 1-7 گرادۋس اياز كۇتىلەدى.
استانادا كوشپەلى بۇلت شىعادى, جاۋىن-شاشىنسىز اۋا رايى ساقتالادى. شىعىستان سوعاتىن جەلدىڭ ەكپىنى - 3-8 م/س. اۋا تەمپەراتۋراسى تۇندە -3-5°س, كۇندىز +12+14°س.
الماتىدا كوشپەلى بۇلت شىعادى, جاۋىن-شاشىنسىز اۋا رايى ساقتالادى. جەل ەكپىنى - 0-5 م/س. اۋا تەمپەراتۋراسى تۇندە +3+5°س, كۇندىز +12+14°س.
شىمكەنتتە دە كوشپەلى بۇلت شىعادى, كۇن جاۋىن-شاشىنسىز وتەدى. شىعىستان سوعاتىن جەلدىڭ ەكپىنى - 15-20 م/س, كۇندىز 23 م/س. اۋا تەمپەراتۋراسى تۇندە +10+12°س, كۇندىز +24+26°س.
