حالىقارالىق شاحمات فەدەراتسياسىنىڭ جاڭارتىلعان رەيتينگى بويىنشا 19 جاستاعى قازاقستاندىق ءبيبىسارا اسساۋباەۆا بليتس كاتەگورياسى بويىنشا الەمنىڭ ۇزدىك شاحماتشىلارى تىزىمىندە جوعارىلادى. ول 2461 ۇپاي جيناپ, FIDE رەيتينگىنىڭ بەسىنشى ساتىسىنا كوتەرىلدى. سونىمەن قاتار ءبيبىسارا بليتس ساناتىنداعى الەمنىڭ ەڭ مىقتى 20 شاحماتشىسىنىڭ ىشىندەگى ەڭ جاس شاحماتشى.
ءبيبىسارا اساۋباەۆانىڭ بۇل كورسەتكىشى ونىڭ الەمدىك شاحمات ارەناسىنداعى سوڭعى جەتىستىگىمەن بايلانىستى بولدى. ول ەكى جىل قاتارىنان بليتس بويىنشا الەم چەمپيونى اتاندى. 2023 جىلى نيۋ-دەليدە ء(ۇندىستان) وتكەن گران-پريدە ب.اساۋباەۆا ۇزدىك ۇشتىكتىڭ تىزىمىندە بولدى. ودان كەيىن قازاقستان مەن الەم قۇرامالارى اراسىنداعى كەزدەسۋدە ءبيبىسارا ءتورت دۇركىن الەم چەمپيونى, ايەلدەر اراسىنداعى فيدە رەيتينگىنىڭ كوشباسشىسى قىتايلىق حوۋ يفاندى ەكى رەت ۇتتى.
20 ساۋىردە سپورت جانە مادەنيەت ءمينيسترى اسحات ورالوۆ ب.اساۋباەۆاعا قازاقستان رەسپۋبليكاسىنىڭ ەڭبەك سىڭىرگەن سپورت شەبەرى جوعارى اتاعىن بەردى. ول بۇل اتاققا يە بولعان تۇڭعىش قازاق شاحماتشىسى بولدى.
