مامىر ايىندا قازاقستاندىقتار مىنا كۇندەرى دەمالادى: 1 مامىر – قازاقستان حالقىنىڭ بىرلىگى كۇنى, 7 مامىر – وتان قورعاۋشىلار كۇنى جانە 9 مامىر – جەڭىس كۇنى.
«ازاماتتارعا ارنالعان ۇكىمەت» مەملەكەتتىك كورپوراتسياسى مەرەكە كۇندەرىنە بايلانىستى قازاقستاننىڭ حالىققا قىزمەت كورسەتۋ ورتالىقتارى مەن ارنايى حالىققا قىزمەت كورسەتۋ ورتالىقتارى 1, 8 جانە 9 مامىردا جۇمىس ىستەمەيتىنىن حابارلادى.
6 مامىر, سەنبى كۇنى كەزەكشى حالىققا قىزمەت كورسەتۋ ورتالىقتارى مەن ارنايى حالىققا قىزمەت كورسەتۋ ورتالىقتارىنىڭ قىزمەتكەرلەرى عانا جۇمىسقا شىعادى.
«بۇل كۇنى ازاماتتارعا ساعات 13:00-گە دەيىن قىزمەت كورسەتىلەدى. 10 مامىرداعى مەرەكە كۇندەرىنەن كەيىن بارلىق حالىققا قىزمەت كورسەتۋ ورتالىعى ادەتتەگى كەستە بويىنشا جۇمىسىن جالعاستىرادى», دەلىنگەن حابارلامادا.
قالىپتى كۇندەرى حالىققا قىزمەت كورسەتۋ ورتالىقتارى مىنا ۋاقىتتا جۇمىس ىستەيدى:
- جۇمىس كۇندەرى – ساعات 9:00-دەن 18:00-گە دەيىن,
- كەزەكشىلىك: جۇمىس كۇندەرى – 9:00-دەن 20:00-گە دەيىن, سەنبى كۇنى - 9:00-دەن 13:00-گە دەيىن.
