«حالقىمىزدىڭ ىنتىماق-بىرلىگى بۇل – تاعدىردىڭ بەرە سالعان سىيى ەمەس. بۇل – ەڭ الدىمەن, جۇرتىمىزدىڭ كۇندەلىكتى تاباندى ەڭبەگىنىڭ ارقاسى ەكەنىن دۇرىس ءتۇسىنۋىمىز كەرەك. سوندىقتان ءبىز بىرلىگىمىزدى كۇن سايىن نىعايتىپ وتىرۋىمىز قاجەت», دەدى مەملەكەت باسشىسى.
پرەزيدەنتتىڭ ايتۋىنشا, تاتۋلىق پەن كەلىسىم حالقىمىزدىڭ ءومىر سالتىنا اينالۋعا ءتيىس. ايتپەسە, ەلدىكتى ساقتاپ قالۋىمىز وتە قيىن بولادى.
«مەن بارشا وتانداسىمىزدى ەلىمىزدىڭ بەرەكە-بىرلىگىن باعالاي بىلۋگە شاقىرامىن. شىن مانىندە, ەل بىرلىگىن نىعايتۋ ءۇشىن قىزمەت ەتۋ – ەڭ جاۋاپتى ءارى ساۋاپتى ءىس. ەلدىكتى بۇزۋ, بىرلىكتى شايقالتۋ, بۇل – زاڭ الدىندا – قىلمىس, قۇداي الدىندا – كۇنا. وسىنى ءبارىمىز تەرەڭ ءتۇسىنۋىمىز قاجەت», دەپ اتاپ ءوتتى ەل پرەزيدەنتى.
