ەسىرتكى تاسىمالداۋشىنى جولدا ونىڭ كولىگىن تەكسەرۋ كەزىندە انىقتاعان. اقتوبە وبلىسى پد ەبقىقب قىزمەتكەرلەرى جانە قر ءىىم ەبقىقد-مەن بىرگە جەدەل-ىزدەستىرۋ ءىس-شارالارىن جۇرگىزۋ كەزىندە العا اۋدانىنىڭ مارجانبۇلاق اۋىلىنىڭ كىرە بەرىسىندە 39 جاستاعى جۇرگىزۋشىنىڭ باسقارۋىنداعى Mazda-626 اۆتوكولىگىنەن ۇنتاق زاتى بار 3 پوليەتيلەن پاكەتى تابىلدى.
ونىڭ ۇيىندە دە ەسىرتكى ساقتالعانى انىقتالدى. سونداي-اق جاڭاقونىس اۋىلىندا ەسىرتكى جاسىرىلعان ارنايى ورىن بارى بەلگىلى بولدى.
جالپى سالماعى 2 كگ-نان استام سينتەتيكا تاركىلەندى. اتالعان فاكتى بويىنشا قك-ءتىڭ 296-بابىنىڭ 4-بولىگىمەن جانە 297-بابىنىڭ 1-بولىگىمەن سوتقا دەيىنگى تەرگەپ-تەكسەرۋ باستالىپ, كۇدىكتى قپك-ءتىڭ 128-بابىنىڭ تارتىبىنە سايكەس ۇستالدى.
