ايلىعى شايلىعىنان ارتىلمايتىن اعايىننىڭ قاراسى ارتتى. اياعىنا نىق تۇرا الماعان تەڭگە دە تەڭسەلىپ, ينفلياتسيا دا يكەمگە كونبەي كەتتى. باعا دا بوي بەرەتىن ەمەس. قىزمەتتەر قىمباتتادى. قىسقا كۇندە قىرىق قۇبىلعان بۇل باعا تالايلاردىڭ ءتۇن ۇيقىسىن قاشىرىپ, مازاسىن كەتىرىپ-اق تۇرعانى...
وسى ورايدا سورەدەگى باعانىڭ تورەلىگىن ايتۋ ءۇشىن «Egemen Qazaqstan» گازەتى «باعا» دەگەن اتپەن ارناۋلى بەت ۇيىمداستىرۋدى قولعا الدى. بارلىق وڭىردەگى باعا اتاۋلىنى ءباسپاسوزدىڭ بەزبەنىنە تارتىپ كورمەكپىز. شەكتى قۇنىنان استى ما دەپ شۇقشيامىز. قىسقاسى, باعانى باقىلايمىز. بار ءىستىڭ بايىبىن ايتامىز. ارتىق كەتكەننىڭ ايىبىن ايتامىز. ەل بيلىگىمەن بىرگە اسىرىپ قويىلعان باعانى اۋىزدىقتاۋعا كۇش جۇمىلدىرامىز. وسىلايشا, «باعا» ارقىلى ءبىراز دۇنيەنى باعامداپ وتىرۋىڭىزعا بولادى, قۇرمەتتى وقىرمان قاۋىم! بۇل جولى جۋىردا عانا ەل ۇكىمەتى شەكتى باعاسىن بەلگىلەگەن جانار-جاعارمايدىڭ قىمباتتاۋى توڭىرەگىندە ءسوز قوزعاماقپىز.
