مەملەكەت باسشىسىنىڭ توراعالىعىمەن ءوتىپ جاتقان ەلىمىزدىڭ الەۋمەتتىك-ەكونوميكالىق دامۋى جونىندەگى كەڭەستە باعانى تۇراقتاندىرۋ ۇكىمەتتىڭ جانە جەرگىلىكتى اتقارۋشى ورگانداردىڭ اسا ماڭىزدى مىندەتتەرىنىڭ ءبىرى ەكەنى باسا ايتىلدى. وسىعان بايلانىستى ۇكىمەت پەن ۇلتتىق بانك بىرلەسىپ ينفلياتسيانى باقىلاۋ جانە تومەندەتۋ بويىنشا شارالار كەشەنىن ىسكە اسىرىپ جاتىر. ناتيجەسىندە بيىلعى ناۋرىز ايىندا جىلدىق ينفلياتسيا 18,1%-عا دەيىن باياۋلادى. سوڭعى 4 اپتادا الەۋمەتتىك ماڭىزى بار ازىق-ت ۇلىك تاۋارلارى بويىنشا ينفلياتسيا تىركەلگەن جوق.
ء«بىزدىڭ الدىمىزدا بيىل ينفلياتسيانى 2 ەسەگە دەيىن تومەندەتۋ مىندەتى تۇر», دەدى ءاليحان سمايىلوۆ.
رەسپۋبليكادا حالىقتىڭ تابىسىن ارتتىرۋ باعدارلاماسى ىسكە اسىرىلۋ ۇستىندە. وسى ءىس-شارالار اياسىندا بيىل 3 ملن-نان استام ادامنىڭ جالاقىسى ءوستى.
مەملەكەتتىڭ بارلىق الەۋمەتتىك مىندەتتەمەلەرى ۋاقتىلى جانە تولىق كولەمدە ورىندالىپ كەلەدى. اتاپ ايتقاندا, بيىلدان باستاپ 4,4 ملن ادامدى جوعارىلاتىلعان الەۋمەتتىك تولەمدەرمەن قامتۋعا 4,6 ترلن تەڭگە ءبولىندى. ۇلتتىق جوبالاردى ىسكە اسىرۋ, جاڭا وندىرىستەر اشۋ, شاعىن جانە ورتا بيزنەستى دامىتۋ, جاڭا جۇمىس ورىندارىن قۇرۋ ەسەبىنەن 1 ملن-عا جۋىق ادام جۇمىسپەن قامتىلادى.
