كەزدەسۋ بارىسىندا تاراپتار قازاقستان مەن كورولدىك اراسىنداعى ساۋدا-ەكونوميكالىق جانە ينۆەستيتسيالىق ىنتىماقتاستىقتى نىعايتۋ مەن كەڭەيتۋ ماسەلەلەرىن تالقىلادى. قازاقستاندىق ديپلومات شەتەلدىك ينۆەستورلار ءۇشىن قولايلى جاعداي مەن ەكوجۇيە قۇرۋعا باعىتتالعان قر پرەزيدەنتى قاسىم-جومارت توقاەۆتىڭ اعىمداعى رەفورمالارى مەن جاڭا باستامالارى تۋرالى ايتىپ بەردى.
ب. ارىن ەكى مەملەكەت اراسىندا «Flynass» ساۋدتىق اۋەكومپانيانىڭ جوسپارلانعان تىكەلەي اۋەقاتىناسىن اشۋى قازاقستان مەن ساۋد ارابياسىنىڭ ىسكەر توپتارىنىڭ ءوزارا ءىس-قيمىلىن جانداندىرۋعا قوسىمشا سەرپىن بەرەتىنىن, سونداي-اق ءوزارا تۋريستىك اعىمدى ۇلعايتۋعا جول اشاتىنىن اتاپ ءوتتى.
سونىمەن قاتار ەلشى وتكەن جىلى كورولدىكتىڭ جەتەكشى قالالارىندا وتكىزىلگەن تۋريستىك روۋدشوۋلاردىڭ ارقاسىندا قازاقستانعا تۋريستىك ماقساتتا كەلگەن ساۋد ارابياسى ساياحاتشىلارىنىڭ سانى كوۆيدكە دەيىنگى كەزەڭمەن سالىستىرعاندا ون ەسە ارتقانىن ايتتى.
ساۋد ازاماتتارى ءۇشىن قازاقستاندى جاڭا جانە پەرسپەكتيۆالى تۋريستىك باعىت رەتىندە ىلگەرىلەتۋدىڭ وسى تابىستى تاجىريبەسىنىڭ نەگىزىندە ۇستىمىزدەگى جىلعى مامىر ايىندا تۋركومپانيالاردى, قوناقۇيلەر بيزنەسىنىڭ وكىلدەرىن, جەرگىلىكتى اۋەكومپانيالار مەن مۇددەلى بيزنەسمەندەردى تارتا وتىرىپ, جيددا ءسوپ جانىندا كەزەكتى روۋدشوۋ وتكىزۋ تۋرالى ۋاعدالاستىققا قول جەتكىزىلدى.
سونىمەن قاتار كەزدەسۋ بارىسىندا ەلشى جيددا ءسوپ باسشىلىعىنىڭ قاراستىرۋىنا تۋريزم, اۋىل شارۋاشىلىعى, ەنەرگەتيكا جانە ت.ب. سالالارداعى بىرقاتار ينۆەستيتسيالىق جوبانى تابىستادى.
ءوز تاراپىنان م. ناعي ساۋدا-ەكونوميكالىق جانە ينۆەستيتسيالىق ىنتىماقتاستىقتىڭ قولدا بار الەۋەتىن جوعارى باعالاپ, جيددا ءسوپ اتىنان ىسكەرلىك بايلانىستاردى نىعايتۋعا بارىنشا جاردەمدەسۋگە دايىن ەكەنىنە سەندىردى.
