ۇزاق توسەك تارتىپ, كوپ اۋىرعان تاتتىمبەتكە ەل ىشىندەگى ءبىر توپ اتقا مىنەرلەر كوڭىل سۇراي كەلىپ, ونىڭ كۇيشىلىك جايىن ماقتاسىپتى. كوزى شۇڭىرەيگەن, تۇمسىعى قوڭقيىپ ەتىنەن ارىلعان تاكەڭ سۇيەگى اسىل تۇلپارلىق تەگىنە سۇيەنىپ, ىممەن توڭىرەگىندەگىلەرگە باسىن كوتەرۋدى بۇيىرىپتى. باسىن كوتەرىپ, ارقاسىنا وبەك قويىلعان سوڭ دومبىراسىن الدىرىپ از-كەم سىيلاپ وتىرىپ بارىپ, الدە نە ايتقىسى كەلگەندەي سىڭاي ءبىلدىرىپ, دومبىرانى قاعىپ-قاعىپ جىبەرەدى… ءۇي ءىشى ءبىر مەزەت تىنا قالادى. وسى الىپ كۇيشى كوڭىلىمەن وتىرعانداردىڭ كوڭىلى توعىسىپ ءبارى دە كۇرەڭ تارتىپ جۇدەي قالادى. كۇي دە اقىرلاستى. دومبىرانىڭ اقىرعى ءۇنى مەن تاتتىمبەتتىڭ دە جۇرەك ءلۇپىلى ءۇزىلىپ بارا جاتقانداي, ەنتىك ارالاس ءالسىز دىبىسپەن: «بۇل…, كوكەي… تەستى» دەپ ارەڭ ءتىل قاتادى. وتىرعاندار دا تۇسىنگەندەي بولادى.
ايتىپ بەرگەن: راۋان ساقاۋ ۇلى, 1989 جىل.
كۇي-شەجىرە كىتابىنان
