تۇركىستان قالاسى مەن تۇركىستان وبلىسىنىڭ سايرام اۋدانىندا «ماقساتتى توپتاردى الەۋمەتتەندىرۋدىڭ, ينتەگراتسيالاۋ جانە جۇمىسقا ورنالاستىرۋدىڭ تابىستى فاكتورى رەتىندە تۇركىستان وبلىسىندا تۇراتىن مۇگەدەكتىگى بار ادامداردىڭ قۇقىقتارىن قامتاماسىز ەتۋ جانە ولاردىڭ ءومىر ءسۇرۋ ساپاسىن جاقسارتۋ جونىندەگى قىزمەتتى ىسكە اسىرۋ, ىلگەرىلەتۋ جانە ودان ءارى دامىتۋ» جوباسى جۇزەگە اسىرىلا باستادى.
جوبا اياسىندا «قورعان-م» قب «ينكليۋزيۆتى كومەكشى» telegram-بوتىن ىسكە قوستى. بۇل – مۇگەدەكتىگى بار ادامدارعا موتيۆاتسيالىق, پسيحولوگيالىق-الەۋمەتتىك جانە قۇقىقتىق كەڭەس بەرۋدىڭ ونلاين-كابينەتى.
«بوت تۇركىستان قالاسى مەن تۇركىستان وبلىسىنا قاراستى سايرام اۋدانىندا تۇراتىن مۇگەدەكتىگى بار ادامدارعا پسيحولوگتىڭ, زاڭگەردىڭ ۋاقتىلى كاسىبي كومەگىن الۋعا, سونداي-اق الەۋمەتتىك ماسەلەلەر بويىنشا كەڭەس الۋعا مۇمكىندىك بەرەدى. بارلىق قىزمەتتەر تەگىن كورسەتىلەدى», دەيدى جوبا جەتەكشىسى ديانا قىرعىزباەۆا.
