ال تۇرعىنداردىڭ, بيزنەس وكىلدەرىنىڭ, مەملەكەتتىك جانە باسقا دا ورگانداردىڭ قاتىسۋىمەن جاپپاي جالپىقالالىق سەنبىلىكتەر 15 ءساۋىر مەن 6 مامىردا وتەدى.
ەكولوگيالىق ايلىق اياسىندا قالانى, نوسەر جانە كارىز جەلىلەرىن سانيتارلىق تازارتۋ, كوشەلەردى, تروتۋارلار مەن كۆارتالىشىلىك اۋماقتاردى تازالاۋ, ساياباقتار مەن گۇلزارلارداعى جاسىل جەلەكتەردى كۇتۋ بويىنشا ماۋسىمدىق اگروتەحنيكالىق جۇمىستار, ساۋدا نىساندارىنا ىرگەلەس اۋماقتاردى جيناۋ, كوگالدار مەن گۇلزارلار الاڭدارىن ورناتۋ جونىندەگى ءىس-شارالار, رۇقسات ەتىلمەگەن قوقىس ۇيىندىلەرى مەن لاستانعان ۋچاسكەلەردى جويۋ جۇمىسى جۇرگىزىلەدى.
سونىمەن قاتار «جاسىل استانا» اكتسياسى اياسىندا 10 مىڭنان استام جاسىل جەلەك وتىرعىزۋ جوسپارلانىپ وتىر.
«قالا كاسىپورىندارىن, ميب (پيك), شاعىن جانە ورتا بيزنەس سۋبەكتىلەرىن (بازارلار, ساۋدا ويىن-ساۋىق ورتالىقتارى جانە باسقالار), وقۋ ورىندارىن, ەرىكتىلەر مەن بەلسەندى قالا تۇرعىندارىن ەكولوگيالىق ايلىققا قاتىسۋعا شاقىرامىز», دەلىنگەن حابارلامادا.
ايتا كەتەيىك, 2022 جىلى ەكولوگيالىق سەنبىلىكتەر اياسىندا بارلىعى 6 مىڭ توننادان استام قوقىس شىعارىلعان. سول سياقتى 29 مىڭنان استام اعاش وتىرعىزىلىپ, 2,7 ملن شارشى مەتر الاڭ جينالدى. ەكولوگيالىق اكتسيا اسىندا 266 067 ادام قامتىلعان بولاتىن.
