«قازاقستاندا «باقىتتى وتباسى» باعدارلاماسى 2019 جىلدان بەرى جۇزەگە اسىرىلىپ كەلەدى. وعان جىل سايىن بيۋدجەتتەن 50 ميلليارد تەڭگە توڭىرەگىندە اقشا اۋدارىلىپ, 8 مىڭعا جۋىق وتباسى ءۇيلى بولادى. باعدارلاما اياسىندا ماكسيمالدى نەسيەلەۋ سوماسى ايماقتار بويىنشا (الماتى, استانا, شىمكەنت, اتىراۋ, اقتاۋ) 15 ميلليون تەڭگەگە تەڭ ەدى. 2019-2020 جىلدارى بۇل اقشاعا 2 بولمەلى ءۇي الۋعا مۇمكىندىك بولسا, قازىرگى ۋاقىتتا پاتەر باعاسى وسكەننەن تەك 1 بولمەلى ءۇي الۋعا ءماجبۇر. كوپبالالى وتباسىلار, كەمى 4 بالاسى بولسا, اتا-اناسىمەن 6 ادام بولادى. ءدال قازىرگى ۋاقىتتا جاڭا ۇيلەر كونكۋرس نەگىزىندە بەرىلگەندىكتەن, كەيبىر وتباسىلار 32-40 شارشى مەترلىك ءبىر بولمەلى پاتەردە تۇرۋعا ءماجبۇر», دەدى داۋلەت مۇقاەۆ.
دەپۋتات قازاقستاندا ۇيلەنگەن جاستاردىڭ 40 پايىزعا جۋىعى اقىر سوڭىندا اجىراساتىنىن ايتتى. دەپۋتاتتىڭ پىكىرىنشە, ونىڭ باستى سەبەبى – ماتەريالدىق قاجەتتىلىك, ونىڭ ىشىندە باسپانا ماسەلەسى. سول سەبەپتى ول «جاس وتباسى» باعدارلاماسىنىڭ باستاپقى جارناسىن 10 پايىزدان اسپايتىنداي مولشەردە بەكىتۋدى ۇسىندى.
- «7-20-25» باعدارلاماسىنىڭ ۇيىمداستىرۋشىلارى «اقشا بار, ءبارى جاقسى, باعدارلاما جۇمىس ىستەپ تۇر» دەپ ايتادى. بىراق قازاقستاندا «7-20-25» باعدارلاماسى بويىنشا بىردە-ءبىر بانك يپوتەكا بەرمەيدى. سەبەبى وعان ماۋسىم سايىن ليميت قوسىلىپ وتىرادى. قاراپايىم حالىق بانك الدىندا تۇنەۋگە ءماجبۇر. بۇل تۇرعىدا «7-20-25» باعدارلاماسى بويىنشا ءليميتتى الىپ تاستاۋ قاجەت. باعدارلاما 2029 جىلعا دەيىن سوزىلادى دەلىنگەن, وعان دەيىن «اتى بار, زاتى جوق» باعدارلاماعا اينالۋى مۇمكىن. مىڭداعان ادام بانكتەن ماقۇلداۋ العانىمەن, ليميت كەسىرىنەن ءۇيدىڭ كىلتىن الا الماي ءجۇر», دەدى دەپۋتات.
