بالالار قورىنىڭ (يۋنيسەف) اتقارۋشى ديرەكتورى كەترين راسسەل تۆيتتەر پاراقشاسىندا: «بۇل ۋكراينا ءۇشىن ۇلكەن ءبىر قايعىلى كەزەڭ», دەپ جازدى.
راسسەل قازا تاپقان بالالاردىڭ ناقتى سانى بۇۇ اگەنتتىگى راستاعان سانداردان الدەقايدا جوعارى بولۋى مۇمكىن ەكەنىن ايتتى.
سونىمەن قاتار 1000-عا جۋىق بالا ءتۇرلى جاراقات العان.
«بالالاردىڭ تانىنە دە, جانىنا دا جارا سالعان سوعىس ءومىر بويى ولاردىڭ جادىندا قالادى. ءاربىر بالا, قاي جەردە تۇرسا دا, بەيبىت جاعدايدا وسۋگە قۇقىلى. ەشبىر بالا زورلىق-زومبىلىق پەن قورقىنىشتىڭ كولەڭكەسىندە بالالىق شاعىن وتكىزبەۋى كەرەك», دەپ جازدى كەترين راسسەل.
