«اۋىلدىق جەردە دەنساۋلىق ساقتاۋدى جاڭعىرتۋ جۇمىستارى بويىنشا بەكىتىلگەن ۇلتتىق جوبا شەڭبەرىندە 655 مەديتسينالىق-سانيتاريالىق العاشقى كومەك وبەكتىسىن سالۋ, سونداي-اق جاراقتاندىرۋ, كۇردەلى جوندەۋ, رەكونسترۋكتسيالاۋ جولىمەن 32 كوپبەيىندى اۋداندىق ورتالىق اۋرۋحانانى جاڭعىرتۋ كوزدەلەدى. بۇل ءوز كەزەگىندە اۋىل تۇرعىندارى ءۇشىن مەديتسينالىق كومەكتىڭ قولجەتىمدىلىگىن قامتاماسىز ەتۋگە مۇمكىندىك بەرەدى», دەدى اجار عينيات.
ءمينيستردىڭ ايتۋىنشا, مەديتسينا ماماندىعىنىڭ بەدەلىن ارتتىرۋ شەڭبەرىندە بىرقاتار ءىس-شارا جۇزەگە اسىرىلىپ جاتىر. ماسەلەن, 2023 جىلدان باستاپ ۇزدىكسىز ينتەگراتسيالانعان مەديتسينالىق ءبىلىم بەرۋ باعدارلامالارىن ەنگىزۋ كوزدەلگەن.
سونىمەن قاتار 2023 جىلدان باستاپ رەزيدەنتۋراعا گرانتتاردى قوسىمشا 70%-عا ۇلعايتۋ باستالدى. مەديتسينالىق جوعارى وقۋ ورىندارىندا ءبىلىم الۋشىلاردىڭ ستيپەندياسى جىل سايىن 15-20%-عا ۇلعايتىلادى. دارىگەرلەردىڭ جالاقىسىن 30%-عا, ورتا مەديتسينا قىزمەتكەرلەرىنىڭ جالاقىسىن 20%-عا ارتتىرۋ جوسپارلانعان.
