قازاقتىڭ ۇلان-عايىر اتىرابىنا اتى جايىلعان اڭىز-ادامنىڭ مۇراسى, شىعارمالارى مەن جەكە زاتتارى بۇگىندە ساقتاۋلى. ماسەلەن, ۇلتتىق مۋزەيدىڭ مۇراعاتىندا بالۋان شولاقتىڭ كىسە بەلدىگى بار. بىلعارى, كۇمىس, تەمىر بەدەرلەمەدەن تۇراتىن بەلدىكتىڭ ولشەمى 158 ح 25 سم. قارا ءتۇستى بۇقا تەرىسىنەن تىگىلىپ, كۇمىس شىتىرالارمەن اسەمدەلگەن. بەلدىكتىڭ ەكى سالپىنشاعى مەن سومكەسى بار. شىتىرا, سالپىنشاقتارى جانە سومكەسىنىڭ بەتىنە قارالاۋ ادىسىمەن ويۋلار سالىنعان.
ۇلتتىق مۋزەيدىڭ ءباسپاسوز قىزمەتىنىڭ ايتۋىنشا, باتىردىڭ بەلدىگى 2014 جىلى پرەزيدەنتتىك مادەنيەت ورتالىعى مۋزەيى قورىنان كەلگەن.
ال كىسە بەلدىكتىڭ قازىرگى كۇيى – مەتالى قارايعان, كىرلەگەن, ءۇش تۇيمەلى, شىتىراسى جوق, سىرىلعان, قاجالعان, مايىسقان, ورنەكتەرى وشكەن, بىلعارىسى قاجالعان, جارىلعان, كوگەرگەن.
