قارجى مونيتورينگى اگەنتتىگىنىڭ سولتۇستىك قازاقستان وبلىسى بويىنشا دەپارتامەنتى 2-3 ۇلەستەس دەلدال ارقىلى وندىرۋشىدەن تىكەلەي ساۋدا سۋبەكتىلەرىنە ماكارون ونىمدەرىن وتكىزۋدە شەكتەن تىس دەلدالدىق فاكتىلەرىن انىقتادى، دەپ حابارلايدى Egemen.kz.
بۇل قما-دا اتاپ وتىلگەندەي، ءونىمنىڭ تۇپكىلىكتى وزىندىك قۇنىنىڭ وسۋىنە اسەر ەتتى. ۆەدومستۆونىڭ باستاماسى بويىنشا ۋاكىلەتتى ورگان وندىرۋشىگە ونىڭ ءىس-ارەكەتىندە باسەكەلەستىكتى قورعاۋ سالاسىنداعى زاڭنامانى بۇزۋ بەلگىلەرىنىڭ بولۋى تۋرالى حابارلاما جىبەردى.
«دۇكەندەر مەن سۋپەرماركەتتەر جەلىسىندە بۇل ءوندىرۋشىنىڭ ماكارون ونىمدەرىنىڭ باعاسى 490 تەڭگەدەن 355 تەڭگەگە دەيىن تومەندەدى. تومەندەۋ 40 پايىزعا جۋىقتادى. بۇل باعىتتاعى جۇمىستار جالعاسادى»، دەلىنگەن حابارلامادا.
بۇگىنگى كۇنى ءوندىرۋشى حابارلامانى تولىعىمەن ورىندادى. بىرلەسكەن الدىن الۋ جۇمىستارىنىڭ ارقاسىندا نەگىزسىز دەلدالداردى جويىپ، ءونىمدى تىكەلەي وبلىس كاسىپكەرلەرىنە جەتكىزۋ ناتيجەسىنە قول جەتكىزىلدى.
2023 جىلدىڭ 17 ناۋرىزىندا اتىراۋدا سارى مايدىڭ باعاسى شامامەن 40 پايىزعا ارزانداعانى حابارلانعان بولاتىن.
ەگەمەن قازاقستان • كەشە
تاريحي اتشاباردى قايتا اشقان ازامات
تۇلعا • كەشە
ءادىلدىڭ ونەرى جوعارى باعالاندى
حوككەي • كەشە
سپورت • كەشە
سپورت • كەشە
وقيعا • كەشە
ۇقساس جاڭالىقتار
ونلاين 
