كومپانيا اسىلداندىرۋ جۇمىستارىن تولىققاندى جۇرگىزە الماي وتىر. بۇعان قارجى جەتىسپەۋشىلىگى سەبەپ. جەرگىلىكتى ساراپشىلاردىڭ پايىمداۋىنشا, ەگەر جۇمىس قارقىنى جاقسارماسا, اسىل تۇقىمدى قوستاناي جىلقىسى جويىلىپ كەتۋى مۇمكىن.
عالىمدار اسىل تۇقىمدى جىلقى وسىرۋمەن 60 جىلدان استام ۋاقىت بويى اينالىسىپ كەلەدى. 1951 جىلدان باستاپ اسىل تۇقىمدى جىلقىلار ءوزىنىڭ توزىمدىلىگى جانە جۇيرىكتىگىمەن تانىمال.
كاسىپورىن گۇلدەنگەن شاعىندا 400-دەن استام اسىل تۇقىمدى جىلقى بولعان. قازىر بۇل كورسەتكىش 10 ەسە ازايعان.
ء«تيىستى دەڭگەيدە قارجىلاندىرۋ بولماعان سوڭ جۇمىس قارقىنى باياۋلاپ قالدى. ساپالى ماماندارىمىز كەتە باستادى. جىلقى سانى دا ءبىرشاما ازايىپ كەتتى. بۋدانداستىرۋعا قاتىستى زەرتتەۋ جۇمىستارى جۇرگىزىلىپ جاتقان جوق. ءارى ەشقانداي سىناقتار جۇرگىزە الماي وتىرمىز. قازىر مۇلدە دامۋ جوق دەسە دە بولادى», دەيدى «قازاق تۇلپارى» جىلقى زاۋىتى جشس باسقارما توراعاسى ايگۇل اماندىقوۆا.
