«بۇگىندە تەرگەۋ امالدارى ءجۇرىپ جاتىر. تاعى ەسكە سالام, ۇلىم كامەلەت جاسىنا تولعان ازامات. مەن چەرنوۆتار وتباسىنان كەشىرىم سۇرادىم, قاجەت جاعدايدا ەمدەۋگە كومەك كورسەتۋگە دايىن ەكەنىمدى دە ايتتىم. بىراق, ولاردان حابار بولمادى. الداعى 10 كۇن نەمەسە 2 اپتا كولەمىندە تەرگەۋ ناتيجەسىمەن تانىس بولاسىزدار. بۇل پروتسەسكە مەن ارالاسىپ جاتقان جوقپىن. چەرنوۆتار تاتۋلاسقىسى كەلەدى دەگەن اقپارات بار. قازىر ماڭىزدىسى تەرگەۋ ورگاندارىنىڭ باعاسى بەرىلسىن, ودان ءارى كورە جاتارمى», دەدى داۋلەت تۇرلىحانوۆ باق وكىلدەرىنە.
ەسكە سالا كەتسەك, جاڭا سايلانعان دەپۋتاتتىڭ ۇلى نۇراسىل بولات بىرنەشە ادامدى سوققىعا جىققان. بۇل فاكت قر قك 293-بابى (بۇزاقىلىق) بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىندە تىركەلگەن.
ودان بولەك, تىلشىلەر داۋلەت تۇرلىحانوۆتان دەپۋتات رەتىندە ءماجىلىس قابىرعاسىندا قانداي ماسەلەنى قولعا الاتىنىن سۇرادى.
«مەن حالىق يگىلىگىنە جۇمىس ىستەۋگە كەلدىم. ءبىر اي بويى تۇرعىندارمەن, ەڭبەك ۇجىمدارىمەن كەزدەستىم. شتابتاعى وكىلدەرىم تۇرعىنداردىڭ ءوتىنىش, ارىزىن جينادى. سونىڭ نەگىزىندە ماسەلەلەر تىزبەگىن جاسادىق. ونىڭ دەنى مەكتەپتىڭ جەتىسپەۋى, اۋرۋحانا جانە كوپبالالى انالارعا قاتىستى بولادى», دەيدى دەپۋتات.
