TED TALK فورماتىندا ءاۋتيزمى بار بالالاردىڭ اتا-انالارى ءوز تاجىريبەلەرىمەن, بالالاردى تاربيەلەۋ بويىنشا كەڭەستەرىمەن, باسقا دا ۇسىنىستارىمەن بولىسەدى.
سونىمەن قاتار سيبلينگتەر – ەرەكشە بالالاردىڭ باۋىرلارى ءسوز سويلەپ, ەرەكشە تۋىستارىمەن قارىم-قاتىناس قۇرۋ تاجىريبەسىمەن, اۋتيزم جانە دامۋىندا باسقا دا ەرەكشەلىكتەرى بار بالامەن ءبىر وتباسىندا تاربيە الۋ ەرەكشەلىكتەرى جايلى اڭگىمە وربىتەدى. سونداي-اق ءىس-شاراعا پسيحوتەراپەۆتەر, پسيحياترلار, مىنەز-ق ۇلىق تالداۋشىلارى جانە باسقا دا ماماندار قاتىسادى دەپ جوسپارلانىپ وتىر. ءىس-شارا ەرەكشە بالالاردى تاربيەلەپ وتىرعان وتباسى مۇشەلەرى ءۇشىن دە, ەرەكشە بالالارمەن جۇمىس ىستەيتىن ماماندار ءۇشىن دە پايدالى بولماق.
جيىنعا «Autism. قول جەتىمدى ورتا» قايىرىمدىلىق قورىنىڭ جانە «قامقور اكە» اۋتيزم بار بالالاردىڭ اكەلەر قوعامداستىعىنىڭ باسشىلارى, اقتوبەلىك ەرلى-زايىپتى رۋسلان مەن سارا قازىباەۆتار, «ەرەكشە باقىت» قوعامدىق قورىنىڭ تەڭ قۇرىلتايشىسى, زاڭ عىلىمدارىنىڭ ماگيسترى سۆەتلانا ورداباي, بالالار پسيحياترى تاتيانا دەگتيار, مىنەز-ق ۇلىق تالداۋشىسى, «بولاشاق» قورىنىڭ كۋراتورى اينۇر نۇروۆا, سونداي-اق «بولاشاق» قورىنىڭ قامقورشىلىق كەڭەسىنىڭ ءتورايىمى دينارا گاپلان قاتىسادى.
ايتا كەتسەك, 2 ءساۋىر – دۇنيەجۇزىلىك اۋتيزم ماسەلەسى تۋرالى اقپاراتتى تاراتۋ كۇنى. بۇل كۇن 2007 جىلعى جەلتوقساندا بۇۇ باس اسسامبلەياسىنىڭ قارارىمەن بەلگىلەندى, وندا ءاۋتيزمى بار بالالاردىڭ سانى ارتقانىنا الاڭداۋشىلىق ءبىلدىرىلدى. رەسمي دەرەكتەر بويىنشا قازاقستاندا 9 مىڭعا جۋىق اۋتيزمگە شالدىققان بالا تۇرادى, ال بەيرەسمي دەرەكتەر بويىنشا ءاۋتيزمى بار بالالاردىڭ سانى 30 مىڭنان اسادى. «Autism Speaks» حالىقارالىق ۇيىمىنىڭ دەرەكتەرى بويىنشا 2020 جىلى الەمدەگى ءاربىر 54-بالاعا اۋتيزم دياگنوزى قويىلادى.
