ناۋرىز مەرەكەسىنە قازاقستان ەلشىلىگى مەن قازاقستان-سينگاپۋر ىسكەرلىك كەڭەسىنىڭ شاقىرۋىمەن سينگاپۋردا تۇراتىن قازاقستان ازاماتتارى, ستۋدەنتتەر, ارنايى وكىلدەر قاتىستى. جالپى 200-دەن استام قوناق جينالدى. ءىس-شارادا سينگاپۋردىڭ قازاقستانداعى ەلشىسى زۋلكيفلي باحارۋدين قۇتتىقتاۋ ءسوز سويلەدى.
ايتا كەتسەك, سينگاپۋردا ناۋرىز ۇزاققا سوزىلعان كوروناۆيرۋس پاندەمياسىنان كەيىن العاش رەت تويلانىپ وتىر.
مەرەكەنىڭ باستى ەلەمەنتى ءداستۇرلى قازاق كيىز ءۇيى بولدى. كيىز ءۇي قولونەرشىلەردىڭ تۋىندىلارىمەن بەزەندىرىلگەن.
مەرەكەدە ۇزدىك كوستيۋم مەن ۇزدىك بالالار سۋرەتى بايقاۋلارى وتكىزىلدى, وندا بارلىق قاتىسۋشىلاردىڭ دارىنى مەن ىنتا-جىگەرى باعالاندى.
ناۋرىز مەركەسى قازاقستان مەن سينگاپۋر اراسىنداعى ديپلوماتيالىق قاتىناستار ورناۋىنىڭ 30 جىلدىق مەرەيتويىمەن قاتار ءوتتى. ايتۋلى كۇنگە وراي ءىس-شارا اياسىندا ارنايى فوتوكورمە دە ۇيىمداستىرىلدى.
