مەملەكەتتىك ساتىپ الۋعا قاتىستى جاڭا شارتتى جەڭىلدىك ەنگىزىلدى

جاڭاشىلدىقتار قۇرىلىس نارىعىن مونوپولياسىزداندىرۋعا جانە باسەكەلەستىكتى دامىتۋعا باعىتتالعان.

ەندى شارتتى جەڭىلدىكتەردى ەسەپتەۋ كەزىندە اۋماقتىق بەلگى جانە تەرىس ماندەر تۇرىندەگى قوسىمشا ولشەمشارتتار ەسكەرىلەدى.

جۇمىستاردى ورىنداۋ اۋماعىندا تىركەلگەن ءونىم بەرۋشىگە 1 پايىز مولشەرىندە شارتتى جەڭىلدىك بەرىلەدى.

اۋماقتىق بەلگى قۇرىلىسپەن بايلانىستى ەمەس جۇمىستار (تەحنيكالىق-ەكونوميكالىق نەگىزدەمەنى، جوبالاۋ-سمەتالىق قۇجاتتامانى ازىرلەۋ جانە ۆەدومستۆودان تىس كەشەندى ساراپتاما جونىندەگى جۇمىستاردى قوسپاعاندا) جانە قۇرىلىس-مونتاجداۋ جۇمىستارى بويىنشا 400 مىڭ اەك-كە دەيىنگى مەملەكەتتىك ساتىپ الۋعا قولدانىلادى.

ورىنداۋىندا مەملەكەتتىك ساتىپ الۋ تۋرالى شارتى بار الەۋەتتى ءونىم بەرۋشىدەن ءاربىر شارت ءۇشىن جالپى شارتتى جەڭىلدىكتىڭ 0،1 پايىزى الىنادى.

تەرىس ماندەر قۇرىلىس-مونتاجداۋ جۇمىستارىنا، ۆەدومستۆودان تىس كەشەندى ساراپتاما، تەن، جسق ازىرلەۋ جونىندەگى جۇمىستارىنا جانە ينجينيرينگتىك قىزمەتتەرگە قولدانىلادى.

مەملەكەت باسشىسىنىڭ قۇرىلىس نارىعىن مونوپولياسىزداندىرۋ بويىنشا تاپسىرماسى شەڭبەرىندە اتقارىلىپ جاتقان جۇمىس مەملەكەتتىك ساتىپ الۋ كولەمىن بىركەلكى جانە ءادىل بولۋگە، شاعىن جانە ورتا بيزنەستىڭ دامۋىنا مۇمكىندىك بەرەدى جانە وڭىرلەردە سالىق تۇسىمدەرىن ۇلعايتۋعا ىقپال ەتەدى.

اتالعان ولشەمشارتتار قارجى مينيسترلىگىنىڭ 2023 جىلعى 1 ناۋرىزىندا № 225 بۇيرىقپەن ء(ام-دە 02.03.2023 ج. № 31994 بولىپ تىركەلگەن) قابىلداندى.