ماگومەد اديەۆتىڭ شاكىرتتەرى ءبىر كۇن بۇرىن «استانا ارەنادا» ەۋروپا-1992 چەمپيونى دانيا قۇراماسىن 3:2 ەسەبىمەن ۇتتى. بۇل قازاقستاندىق فۋتبولشىلارعا وسى ىرىكتەۋ كەزەڭىندە العاشقى ءۇش ۇپايدى جيناۋعا مۇمكىندىك بەردى.
«سلوۆەنيادان جاعىمسىز جەڭىلىستەن كەيىن جەڭىسكە جەتكەنىمىزگە قۋانىشتىمىن. ويىن الدىندا جىگىتتەرگە ايتقانىم: «جاۋاپكەرشىلىك مەندە, الاڭعا شىعىپ ويناڭدار». جانكۇيەرلەرىمىزدىڭ كورسەتكەن قولداۋى كەرەمەت ەكەنىن ۇنەمى ايتىپ ءجۇردىم. سلوۆەنيادان جەڭىلىپ قالعان كەزدە دە سىنداردى قابىلدادىم. بۇل دا سەزىم. ءبىزدىڭ جانكۇيەرلەر بۇل جەڭىسكە لايىق», دەدى قازاقستان قۇراماسىنىڭ باس باپكەرى ماگومەد اديەۆ
دانيانى جەڭگەننەن كەيىن قازاقستان قۇراماسىنىڭ ءۇش ۇپايى بار, ءبىز H توپشاسىنىڭ ءۇشىنشى ساتىسىندا تۇرمىز, تەك سلوۆەنيا مەن دانيا عانا الدا.
ەۋرو-2024 ىرىكتەۋ كەزەڭىنىڭ ەكىنشى تۋرىنىڭ ويىندارىنان كەيىن سلوۆەنيا قۇراماسى التى ۇپايمەن H توپشاسىنىڭ جالعىز كوشباسشىسى اتاندى. ەكىنشى ورىندا - دانيا وكىلدەرى (3 ۇپاي). ودان ءارى قازاقستان, فينليانديا, سولتۇستىك يرلانديا جانە سان-مارينو. قازاقستان قۇراماسى كەلەسى ويىنىن 17 ماۋسىم كۇنى سىرتتا سان-مارينوعا قارسى وتكىزەدى.
