ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى QS الەمنىڭ ۇزدىك جوعارى وقۋ ورىندارىنىڭ پاندىك رەيتينگىندە سەرپىلىس جاسادى. ەۇۋ-دىڭ بىردەن 3 ءپانى حالىقارالىق رەيتينگتىڭ العاشقى جۇزدىگىنە كىردى. بۇل قازاقستانداعى جوعارى وقۋ ورىندارى اراسىندا ەڭ ۇزدىك كورسەتكىش بولىپ تابىلادى. رەيتينگكە بارلىعى 161 ەلدەن 1595 ۋنيۆەرسيتەت قاتىستى. الەمدەگى جوعارۋ وقۋ ورىندارىندا وقىتىلاتىن پاندەردىڭ ساپاسىن ۇلىبريتانيانىڭ Quacquarelli Symonds اگەنتتىگى باعالادى، دەپ حابارلايدى Egemen.kz.
2023 جىلعى 22 ناۋرىزدا QS World University Rankings by Subjects 2023 پاندىك رەيتينگىنىڭ ناتيجەلەرى جاريالاندى. ەۋرازيا ۇلتتىق ۋنيۆەرسيتەتى ءوز پوزيتسيالارىن سەنىمدى تۇردە نىعايتۋمەن قاتار رەيتينگتەگى وكىلدىگىن وتكەن جىلعى 11 پاننەن بيىل 17-گە دەيىن كەڭەيتتى. ەلىمىزدىڭ جەتەكشى ۋنيۆەرسيتەتى 14 پاندىك جانە 3 سالالىق رەيتينگتە ۇسىنىلعان.
ەۇۋ رەيتينگتىڭ توپ-100 تىزىمىنە ەنگەن قازاقستاندىق جوعارى وقۋ ورىندارى اراسىندا رەكوردتىق جەتىستىكتەرىن كورسەتتى. ەۇۋ-دىڭ 3 ءپانى العاشقى جۇزدىككە كىردى: «قازىرگى زامانعى تىلدەر» 88-ورىن، «لينگۆيستيكا» 94-ورىن جانە ۋنيۆەرسيتەت «قوناقجايلىلىق جانە دەمالىستى باسقارۋ» ءپانى بويىنشا وتكەن جىلعى 51-100 ارالىعىندا پوزيتسياسىن ساقتاپ قالدى. جوعارى ناتيجەلەرگە ءبىر باسىلىمعا دايەكسوزدەر سانى مەن جۇمىس بەرۋشىلەر اراسىنداعى بەدەلدىڭ كورسەتكىشتەرىنىڭ جوعارىلاۋى ارقاسىندا قول جەتكىزىلدى.
ەۇۋ «ونەر جانە ديزاين» (150 ورىن)، «اعىلشىن ءتىلى مەن ادەبيەت» (توپ 101-150)، «فيلوسوفيا» (توپ 151-200)، «قۇقىقتانۋ جانە قۇقىق» (توپ 151-200) جانە «ساياسات جانە حالىقارالىق زەرتتەۋلەر» (توپ 151-200) پاندەرى بويىنشا الەمدىك رەيتينگتىڭ توپ-200 ساتىسىنا كىردى.
رەيتينگكە بارلىعى 161 ەلدەن 1595 ۋنيۆەرسيتەت، ونىڭ ىشىندە 8 قازاقستاندىق جوعارى وقۋ ورنى قاتىستى. ەۇۋ «قوناقجايلىلىق جانە دەمالىستى باسقارۋ»، «ونەر جانە ديزاين»، «تاريح»، «لينگۆيستيكا»، «بيزنەس جانە مەنەدجمەنت»، «قۇقىقتانۋ»، «ساياسات جانە حالىقارالىق زەرتتەۋلەر» پاندەرى بويىنشا قازاقستاندا ءبىرىنشى ورىن الادى.
ل.ن. گۋميلەۆ اتىنداعى ەۇۋ كوپتەگەن كورسەتكىشتەر بويىنشا ونداعان ساتىلارعا جوعارى كوتەرىلىپ، وتكەن جىلعى ناتيجەلەردى جاقسارتتى: «ونەر جانە گۋمانيتارلىق عىلىمدار» ءپانى بويىنشا 257-دەن 150 ورىنعا، «الەۋمەتتىك عىلىمدار جانە مەنەدجمەنت» 323-تەن 256 ساتىعا، «ەكونوميكا جانە ەكونومەتريكا» توپ-400-دەن توپ-350-گە، «بيزنەس جانە مەنەدجمەنت» 550 توبىنان 450 توبىنا كوتەرىلدى.
ۋنيۆەرسيتەت بيىل QS رەيتينگىندە «ينجەنەريا جانە تەحنولوگيالار» سالاسىندا، «قازىرگى زامانعى تىلدەر»، «اعىلشىن ءتىلى جانە ادەبيەت»، «فيلوسوفيا»، «ارحەولوگيا» جانە «كومپيۋتەرلىك عىلىمدار مەن اقپاراتتىق جۇيەلەر» پاندەرى بويىنشا العاش رەت ۇسىنىلىپ وتىر.
پاندىك رەيتينگتى وتكىزۋ بارىسىندا ۋنيۆەرسيتەتتىڭ اكادەميالىق ساراپشىلار مەن جۇمىس بەرۋشىلەر اراسىنداعى بەدەلى، عالىمداردىڭ عىلىمي زەرتتەۋلەرىنەن دايەكسوز الۋ، جاريالانىمداردىڭ حيرش يندەكسى جانە حالىقارالىق زەرتتەۋ جەلىسىنىڭ يندەكسى باعالانادى.
ايتا كەتۋ كەرەك، ەۇۋ 2017 جىلدان بەرى QS پاندىك رەيتينگىندە بار.
عىلىمدى كوممەرتسيالاندىرۋ جوبالارىن گرانتتىق قارجىلاندىرۋ كونكۋرسى باستالدى
عىلىم • بۇگىن، 15:35
مادەنيەت • بۇگىن، 14:38
ءاليحان سمايىلوۆ ەۋروپالىق كوميسسيانىڭ ۆيتسە-پرەزيدەنتىمەن كەزدەستى
ساياسات • بۇگىن، 14:00
مەسسي پسج-دا سوڭعى ويىنىن وتكىزەدى
فۋتبول • بۇگىن، 13:31
وزبەكستان مەن قازاقستان اراسىندا اۋە رەيسى اشىلادى
قوعام • بۇگىن، 12:35
الەۋمەتتىك-مادەني دامۋ كوميتەتىنىڭ كەڭەيتىلگەن وتىرىسى ءوتتى
ساياسات • بۇگىن، 11:33
ۇقساس جاڭالىقتار
ونلاين 
