بۇگىن وتەتىن پارلامەنت ءماجىلىسى مەن ءماسليحات دەپۋتاتتارىنىڭ سايلاۋىنا 14 207 ۇمىكەر قاتىسادى. ۋچاسكەلەردە داۋىس بەرۋ جەرگىلىكتى ۋاقىت بويىنشا ساعات 07:00-دەن 20:00-گە دەيىن جۇرگىزىلەدى.
ايتا كەتەيىك, 18 ناۋرىز ساعات 00:00-دەن باستاپ دەپۋتاتتىققا كانديداتتاردىڭ سايلاۋعا قاتىستى ۇگىت-ناسيحات نەمەسە باسقا دا جۇمىس جۇرگىزۋىنە تىيىم سالىنعان.
ورتالىق سايلاۋ كوميسسياسىنىڭ مالىمەتىنشە, بۇگىنگى سايلاۋعا 12 032 550 داۋىس بەرۋشى تىركەلدى.
ءماجىلىس پەن ءماسليحات سايلاۋىنا 7 پارتيا قاتىسادى. اتاپ ايتقاندا: «Amanat» پارتياسى, «اۋىل» حالىقتىق-دەموكراتيالىق پارتياسى, «Respublica» پارتياسى, «قازاقستان حالىق پارتياسى», «بايتاق» جاسىلدار پارتياسى, «اق جول» پارتياسى جانە «جالپىۇلتتىق سوتسيال-دەموكراتيالىق پارتياسى».
ماجىلىسكە بارلىعى 98 دەپۋتات سايلانادى. ونىڭ 70 پايىزى, ياعني 69 ورىن پروپورتسيونالدىق جۇيەمەن 5 پايىزدىق مەجەدەن وتكەن ساياسي پارتيالاردىڭ ءتىزىمى بويىنشا سايلانادى. ال قالعان 30 پايىز, ياعني 29 ورىن ءبىر مانداتتى وكرۋگتەردەن سايلاناتىن دەپۋتاتتارعا بەرىلەدى.
استانا, الماتى, شىمكەنت جانە 17 وبلىستىڭ ءماسليحاتتارى سايلاۋىندا پارتيالىق ءتىزىم جانە ءبىر مانداتتى وكرۋگتەردىڭ اراقاتىناسى 50/50 بولادى. ال قالالىق, اۋداندىق ءماسليحاتتار 100 پايىز ءبىر مانداتتى وكرۋگتەر ارقىلى سايلانعان دەپۋتاتتاردان تۇرادى.
